MAREKÙT 4:10 - Ala Ane Wene Ket Mene Warogo Wo'ninapike Wene

¹⁰ Atì'nogo yogoisasikesik, at Yesùt aligat were'ma, hobuk it inebe 12 nen amanogo mel, it aike Yesùt wene yogoisikenem inasuk holhukwa mene mel, oba wagaukwasik he, mel yogosukwa: “Hat en wene oba lìthìgìk yogonisegen a'nogo, ebe ki'nogo mene hesik yogonisegen,” ìlùk oba hinok wanhukwa.

MAREKÙT 4:10 ပူးပေါင်းရင်းမြစ်များ

MATÌÙT 13:3

Hù'lasi kisikesik, yì mene tì mene ba lìthìgìk wene apik yogoisìkì lagaike. Aike mel yogoisasike: “Ap aike yabu waganogo awì yaterek mene awì heik lakheigìlùk wùlìpike.

MATÌÙT 13:36

Atì'nogo yogoisalùk he, apùnì apik amanogo atoma werek kolek, at Yesùt ebe ouma kisikomo re, at agoromì ane wanhì lagaukwa mene amanogo oba kisukwasik he, mel yogosukwa: “Awì weak mene yabumo hulelhike ìlùk oba lìrogo yogonisegen a'nogo ebe pìlìngìrogo yogonisan o,” ìlùk yogosukwa.

MAREKÙT 4:11

Hinok wanhukwama re, at an he, mel yogoisasike: “Ala nen awe a'ma hisikerek wene atì, at a'la hinago welagaike mene, wene hit enek he, hinelu asuageip ìlùk pak hogo yogohisasak akasike meneat he, it apùnì etakwe mene atì nek he at Ala nen he: It atì weak hagarì'lùgì mene atì heraksìlìk inoabùt hebelasumo re, an nen sagalogo legetsanogo ìlùk he, it ineileken hìkì logogun meneat he, tùkùm hogo hìkì logogun lek o. Nen, inasuk holhì logogun meneat he, tùkùm hogo hùthìkì logogun legat o, ìlùk isike atì higit asuagalùk, wene yì mene tì mene ba lìthìgìk, yogoisìkì lagì atì o,” ìlùk yogoisasike.

MAREKÙT 4:34

It apùnì aike yakùlisagalùk halok he, wene oba lìthìgìk enek yakùlisìkì lagaike meneat he, at agoromì ane wanhì lagaukwa mene amanogo nek he, inom inalepma logolìk weneebe weinamat pak hogo yogoisìkì lagaike.

MAREKÙT 4:9

aike mel yogoisasike: “Hit hinasuk holusak halok he, hanorogo holini o,” ìlùk yogoisasike.

MAREKÙT 7:17

apùnì logolek amanogo eta'ma hisalùk, at Yesùt ouma kisikomo re, at agoromì ane wanhì lagaukwa mene amanogo nen he, mel isukwa: “Wene oba lìrogo yogonisegen atì, ebe kì mene hesik yogonisegen,” ìlùk oba hinok wanhukwa.