MAREKÙT 3:9 - Ala Ane Wene Ket Mene Warogo Wo'ninapike Wene

^9-10 Atì'nogo atogosukwama re, inebe logolegat ou hagarinapenem he, it ou inoba mene obogat en, apùnì aike hìgìlisìlìk-healisìlìk Yesùt ineki hakùogolùkk oba kìkì lagaukwa atì nen, at Yesùt en, at agoromì ane wanhì lagaukwa mene amanogo mel yogoisasike: “Apùnì apigat ma re, an nera'lu kerelek-hoporek asinogo nen he, i so hamùlùk mene aike hanìlìk logoni o,” ìlùk yogoisasike.

MAREKÙT 3:9 ပူးပေါင်းရင်းမြစ်များ

YOHANET 6:15

Atì'nogo isukwama, at Yesùt a'la nen he, “It atì wìrìk, an it inoe kain logouagalùk inane keirogo menhanugun hìgì,” ìlùk inoabùt enagat palhikesik he, o atoma hebisalùk punu ba aligat lagasike.

MAREKÙT 5:30

Atì'nogo hùthiko kolek he, at Yesùt a'la nen he: “Eige! An nomamerogo elalin hagarinapìrek a'nogo mene na'la nen apùnì aike inoba laga enagat hìgì,” ìlùk aremnogoat hùthasike. Hùthìlìk he, apùnì logolek amanogo eileken kwanìrogo kelagisìlìk he, mel yogoisasike: “An nasu sa nen eki hakike,” ìlùk inoba hinok wanhìke,

MATÌÙT 15:39

Nen, sùpùrùk nalùk he, at Yesùt a'nogo apùnì apik atogorek omanogo inauakwe lopok laksalùk he, at ebe i so a'la kìlìk warogo re, o Magatan wùlìbi wagaike.

MAREKÙT 4:1

Hobuk he, at Yesùt i Kalilea yekelek a'nogo esakoma logolìk wene yakùlisasike. Yakùlisikenem apùnì inebe apik esa hùkoat oba atogosi wagaukwama re, it inebe i aik oba hisalùk he, at ebe ima i so ba hù'lasi kisike.

MAREKÙT 4:36

It en he, i so Yesùt welagaike ba a'nogo were'ma oba kìlìk he, apùnì logolek amanogo atoma hisalùk, at ebe wolok wùlùpukwa. It wùlùpo kolek he, apùnì aike i so aike ba apìne wùlùpukwaat.

MAREKÙT 5:2

Wùlùpukwasik he, at Yesùt i so a'la nen aik oba wùlùpenem atemat, ap aike omoula apùnì warek hisagarek oba nen wùlìbì wìrìk, Yesùt oba wagaike. Ap atì mokareke oabùt weak mene a'la kìlìk,

MAREKÙT 6:32

Atì'nogo yogoisasikesik he, at ebe inom inaligat i so warogo, o apùnì inareng le'ma lagaukwa.

LUKAT 5:1

Ineki aike sapùl he, at Yesùt i Kenesaret yekele'ma atoma metek were'ma re, apùnì motok apik Ala ane inasuk holuogolùk oba atogosi lagaukwa.

LUKAT 5:3

Eileken isìlìk he, Yesùt ebe so Simon mene a'la kìlìk he, “So yì hìgìlogo re, i eken tùlem negen hamùlùgat siok hogo lakhein o,” ìlùk, Simon yogosike. Atì'nogo yogorìk, at ebe so a'la hù'larìk he, apùnì apik amanogo i aik obakwe were'ma wene yakùliisasike.