MAREKÙT 3:35 - Ala Ane Wene Ket Mene Warogo Wo'ninapike Wene

³⁵ Sa nen, at Ala a'la akikerek mene higit hogo hagaterek halok he, at atì an nagot, nerei, nagosa, werek o,” ìlùk yogoisasike.

MAREKÙT 3:35 ပူးပေါင်းရင်းမြစ်များ

1 YOHANET 2:17

Apùnì kweangma mene inoabùt hagatarek atì mel, yì mene tì mene walok ìlùk hagatarek atì mel, lek arìk wìrì'logo meneat he, apùnì Ala a'la walok akikerek mene hagatarek mene atì nek he, ineluk motok logogun o.

MATÌÙT 7:21

Atì'nogo yogoisasikesik, mel yogoisasike: “Hit apùnì nen, an yogonetì logolìk he, Ninoe, ninoe, ìlùk ìkì lagep atì ba hinebe obogat, an nopase pogot oba mene awe a'ma hisikere'ma atoma kugun lek. We, it aike, at Ala a'la akikerek mene higit hogo hagarì'lùgì mene atìat ki logoin o.

YOHANET 7:17

Sa nen Ala a'la akikerek mene higit hogo hagasusak walok halok, an nen wene yakùlisìkì lagì atì, Ala nen yakùleto kolek ìlì'logo, ìgìk, Okawerek a'la nen kagalogo ìlì'logo, ìgìk, enagat hìlìk elu asiginat o.

YAKOBÙT 1:25

Nit apùnì nineki hele warek negen were'ma, wene hano wene Ala nen ninasuk warogo katok hogo yogonisikerek atì ba hikalninaperek. Halok, sa nen wene atì asuk enek holìk he, lì'mathikerek hùk. We, tùkùm hogo hùthìlìk, oba eberek motok logolìk, wene atì higit hogo hagate halok, yì mene tì mene hagatenem, Ala nen a'la hairogo lebethìkì logogin o.

EPESÙT 6:6

It en sethisek werek kolek enek apùnì mene ina'la hanorogo hagatì logogùp. We, hina'la nen he, “Karìsùt atìtigeke logolìk, Ala a'la walok akikerek mene atìat hagatì logouok,” ìlùk, hina'la ebethìlìk en hagatì logoino.

IBERANI 10:36

Hit en Ala a'la walok akikerek mene hagatenem, at en, “Hit wokhisegein,” ìlùk abok yogohisasike mene atì wanuageip en he, hinepe morogo hagatì logousak o.

1 PETERÙT 4:2

Ati nen, hit en he, apùnì yì mene tì mene walok en inetaùken nen nikerek atì mene heraksìlìk, hùlì yogotak hùlì nen he, hineluk logolìk Ala a'la walok akikerek mene atì nek hagatì logoino o.