MAREKÙT 3:29 - Ala Ane Wene Ket Mene Warogo Wo'ninapike Wene

²⁹ Ala Areagùn atì ina'la meathìlìk abok weak palho halok he, sagalogo legetsasak lek o. We, weak hagasugun atì hesik ùkùm inoba moto'-motok logogin o,” ìlùk yogoisasike.

MAREKÙT 3:29 ပူးပေါင်းရင်းမြစ်များ

LUKAT 12:10

An abat ta'lasi wagagi a'nogo nabok weak palho halok he, weak hagasugun mene atì inebe lopok Ala nen sagalogo legetsegein meneat he, Ala Areagùn atì abok weak palho halok he, weak hagasugun mene atì Ala nen legetsegein motok lek o.

2 TESALONIKA 1:9

It atì'nogo ùkùm inoba hìlìk he, ninoe Etagepogot omame apik en hogorato motok welagaikare'ma eilhanem atoma nenat wea'ma atoma motogat logouagalùk laksegein o.

YURAT 1:13

Nen, aike re, i laut hùko yekele'ma ha'labu yùgùneke-yaganeke aninirogo motok watì logolìk, wesilagap hagarogo hikerek atì hak, it atì yùgùnat hagatì logolìk, inekalì lek weak hagarì'lùgì. Hesagal polok hogo mùmmo lagarek atì hak, Ala nen it atì o motok mùm hikakse'ma logouagalùk hisegein werek o.

MAREKÙT 12:40

Atì'nogo logolìk, hìmì soge mene inawì wùrìk mel, inagarok mel, sebelìkì logolìgat he, apùnì nen inasuk holìk, It hano, akoagalùk sapan uan-aban lìthalùk lagaikarek atì'nogo hagatì'lek logoilepma re, Ala nen ùkùm hamùlùgat inoba hìlìk logoilep. Mene re, atì'nogo hagatarek atì nen, ùkùm ekin mene inoba hìlìk weagarinabigin o,” ìlùk yogoisasike.

MATÌÙT 25:46

it apùnì atì yì aik tì aik hìkì logogun oba motok logouagalùk laksegein o. Meneat he, it Ala ane hologo hagatì logogun mene atì ineluk motok logogunmo atoma hisegein o,” ìlùk, yogoisasike.

YURAT 1:7

It hagasukwa higit hogoat he, it apùnì o Sorom mene mel, Komora mene mel, o sili inera'lukwe mene inomat en, pailak haksìgìk, ap-ap, hìmì-hìmì hagasusak lek mene hagatìk, isukwa ba re, ùkùm he, etu niko motok welagare'ma motok logouagalùk, laksasikomo atoma werek, ìlùk, nit apùnì obogat hùthìkì logousak.

MATÌÙT 9:3

Atì'nogo yogosikomo re, it ap Ala ane helal waganek esewerek mene aike ina'la nen he: “Eige! Ap yì Ala a'la meathìlìk etage weagathìlì'logo,” ìlùk akasukwa.

MAREKÙT 3:30

Wene atì'nogo yogoisasike atì re, it en he, “Yesùt mokareke oabùt weak mene a'la kikesik werek,” ìlùk isukwa nen, yogoisasike atì.