MAREKÙT 3:23 - Ala Ane Wene Ket Mene Warogo Wo'ninapike Wene

²³ Atì'nogo isukwama, at Yesùt en apùnì logolek amanogo waisìlìk he, wene oba lìrogo mel yogoisasike: “Ibilit apùnì ina'la kìlìk he, okawerek en henogo elok wulakhakasak nogo? Motok mea o.

MAREKÙT 3:23 ပူးပေါင်းရင်းမြစ်များ

MATÌÙT 13:34

Apùnì apik amanogo yogoisìkì logolìk he, wene aike Pak hogo yogoisìkì lagaike lek. We, oba lìthìgìk enek yogoisìkì lagaike.

MAREKÙT 4:2

Hù'lasi kìlìk he, wene yì mene tì mene ba lìthìgìk, wene apik yakùlisasike. Yakùlisìkì logolìk, aike mel yogoisasike:

MATÌÙT 4:10

at Yesùt en he, “Hat Ibilit yì lan o. Ala nen ìkì logolìk he, Hit en he, hinopase Ala Netagepogot anat hineitep awì yagasogo nawe a'ma ki wìrìk hogo'napì logolìk he, an hesik enek hagatì logoino o, isikomo helal waganogo hesukwama werek o,” ìlùk yogosike.

MATÌÙT 13:3

Hù'lasi kisikesik, yì mene tì mene ba lìthìgìk wene apik yogoisìkì lagaike. Aike mel yogoisasike: “Ap aike yabu waganogo awì yaterek mene awì heik lakheigìlùk wùlìpike.

MAREKÙT 3:24

Nen, ap kain etagepogot omakeat mene agoromì awe a'ma hagisek welagarek inom it-it hùlithakìlìk inom weak logogun halok, omakeat logolìk inomame welagaukwa hak logogun lek. Maben asugun o.

MAREKÙT 4:11

Hinok wanhukwama re, at an he, mel yogoisasike: “Ala nen awe a'ma hisikerek wene atì, at a'la hinago welagaike mene, wene hit enek he, hinelu asuageip ìlùk pak hogo yogohisasak akasike meneat he, it apùnì etakwe mene atì nek he at Ala nen he: It atì weak hagarì'lùgì mene atì heraksìlìk inoabùt hebelasumo re, an nen sagalogo legetsanogo ìlùk he, it ineileken hìkì logogun meneat he, tùkùm hogo hìkì logogun lek o. Nen, inasuk holhì logogun meneat he, tùkùm hogo hùthìkì logogun legat o, ìlùk isike atì higit asuagalùk, wene yì mene tì mene ba lìthìgìk, yogoisìkì lagì atì o,” ìlùk yogoisasike.

MAREKÙT 12:1

At Yesùt en wene atì'nogo yogoisasikesik he, hobuk wene aike oba lìrogo mel yogoisasike: “Ap aike eyabumo anggur awì yasike. Yasikesik he, leget wùtìk, eken sagalogo amusu keralhì logogun oba kweang habulhìk, ineileken logogun oba laleka pelatìk, isike. Isikesik he, ap aike serogo logouagalùk hisalùk he, ebe o wele'ma atoma lagaike.