MAREKÙT 3:20 - Ala Ane Wene Ket Mene Warogo Wo'ninapike Wene

²⁰ Atì'nogo menhisalùk apotkwe aua pi wagaikomo re, apùnì logolegat hobuk oba atogosi wagaukwama re, Yesùt agoromì inom inapùrùk nìkì'nogo na heat haga'lagaike.

MAREKÙT 3:20 ပူးပေါင်းရင်းမြစ်များ

MAREKÙT 6:31

Atì'nogo yogotenem, apùnì apik atoma lagìk, wagìk, ikenem he, sùpùrùk nìkì'nogo na heat haga'lagaikomo re, at Yesùt en agoromì mel yogoisasike: “Set hamùlùgat halok waloageip en he, o apùnì inareng le'ma ninalepma kek hogo lùok o,” ìlùk yogoisasike.

LUKAT 6:17

At Yesùt atì'nogo agoromì weteberogo hisìlìk, inom tom oba nen pi wagaukwasik he, kweang enagoma atoma kamo isukwasik were'ma, at agoromì ane wanhì lagaukwa mene amanogo he'nakìt inebe apigat mel, apùnì motok apik o Yurea ya ta mene mel, o kota Yerusalem mene mel, o Tìrùt Siron i laut aik oba welagaikarek mene mel,

MAREKÙT 9:28

Melagaikomo re, at Yesùt ouma kìlìk were'ma, at agoromì ane wanhì lagaukwa mene amanogo oba kìlìk, inom inaligat logolìk he, mel yogosukwa: “Nit en he, at mokareke oabùt weak mene atì henogo wulabusak mea atì nìkì'nogo nen,” ìlùk oba hinok wanhukwa.

MAREKÙT 7:17

apùnì logolek amanogo eta'ma hisalùk, at Yesùt ouma kisikomo re, at agoromì ane wanhì lagaukwa mene amanogo nen he, mel isukwa: “Wene oba lìrogo yogonisegen atì, ebe kì mene hesik yogonisegen,” ìlùk oba hinok wanhukwa.

MAREKÙT 3:9

Atì'nogo atogosukwama re, inebe logolegat ou hagarinapenem he, it ou inoba mene obogat en, apùnì aike hìgìlisìlìk-healisìlìk Yesùt ineki hakùogolùkk oba kìkì lagaukwa atì nen, at Yesùt en, at agoromì ane wanhì lagaukwa mene amanogo mel yogoisasike: “Apùnì apigat ma re, an nera'lu kerelek-hoporek asinogo nen he, i so hamùlùk mene aike hanìlìk logoni o,” ìlùk yogoisasike.

MAREKÙT 3:7

Atì'nogo haga'lùk, hobuk, at Yesùt agoromì ane wanhì lagaukwa mene amanogo inomat he, i Kalilea yekelek a'nogo esakoma lagaukwa. Lagaukwama re, apùnì nen he, “Yesùt yì'nogo hagarì'logo, tì'nogo hagarì'logo,” ìlùk abok ikenem, it apùnì o Kalilea tokwe mene logolegat inasuk holìlùk inopolik inopolik laganem, it apùnì o Yurea tokwe mene mel, o Yerusalem mene mel, o Irumea tokwe mene mel, o i Yoretan aik ìlì ba mene mel, o Tìrùt Siron mene mel, Yesùt oba atogosukwa.

MAREKÙT 1:45

Atì'nogo yogosike meneat he, at a'nogo nen apùnì yùgùnat yogoisìkì logolìk he: “Yì'nogo haga'nape o,” ìlùk abok hano wìagararìk lagaike atì nen he, at Yesùt o kota ya ta atoma kìlìk ebe weinam hogo nìkì logousak mea agaikomo re, leimo apùnì le'ma lagaikesik welagaike. Atì'nogo welagaike meneat he, apùnì o ya ta atoma nen oba atogosi waga lagaukwa.

MAREKÙT 2:1

At Yesùt eki hamùlùgat o atoma welagaikesik he, hobuk o Kaperenagùm ki wagaike. Ki wagaikesik, ouma kisikomore, apùnì nen he: “At ebe ouma werek o,” ìlùk ikenem inasuk holhukwa.

MAREKÙT 3:19

Yùrat Isikariot Yesùt wasuagalùk hobuk yoko lagaike mene a'nogo mel, inebe atem menhisasike.