MAREKÙT 3:2 - Ala Ane Wene Ket Mene Warogo Wo'ninapike Wene

² Atì'nogo were'ma kisikomo re, it ap he'nakit ina'la nen mel akasukwa: “Yogotak he, nineki sabìt oba Ala hesik welegat werek kolek, at en ap arì hagasigin a? Lek a. Hagate halok he, Hat weak hagaten, ìlùk, ùkùm oba houok o,” ìlùk ineil wanhì lagaukwa.

MAREKÙT 3:2 ပူးပေါင်းရင်းမြစ်များ

MAREKÙT 3:3

Atì'nogo ineil wanho kolek, at Yesùt en he, ap eki hapelek mene a'nogo mel yogosike: “Hebe mela'lùk he, tùlem ya eme o,” ìlùk yogosikomo,

LUKAT 14:1

Atì'nogo yogoisasikesik he, ineki sabìt oba aike, Ala hesik welegat logolìk he, Yesùt ap Parisi mene inogogì kaintek omakeat aike aua sùpùrùk eperak nùogolùk lagaikesik were'ma, apùnì nen, at Yesùt ineil tùkùm hogo wanhì lagaukwa.

LUKAT 20:20

Kamo isukwasik hobuk, at en ane igin oba ebe eken hìlìk, at gubernur apùnì hagisek logolìk ùkùm inoba hìgìk, kotik, ikerek esewerek mene nen ùkùm oba houagalùk, ap aike inoabùt hano salek Yesùt ineil wani loagalùk laksa wagaukwa.

LUKAT 6:7

Were'ma re, it ap Ala ane helal waganek esewerek mene mel, Parisi mene mel, ina'la nen he, “Yogotak nineki sabìt oba Ala hesik welegat werek kolek, at en ap arì hagasigin a? Lek a. Hagate halok he, Hat weak hagaten, ìlùk ùkùm oba houok o,” ìlùk, ineil wanhì lagaukwa.

YOHANET 8:6

Wene atì'nogo yogosukwa atì re, Yesùt ape ba wene oko ikenem ekalì warogo ùkùm oba houogolùk isukwa meneat he, at ot soma ìlìk eki tùm en kweang oba helal wanho kamo isike.

YOHANET 9:16

it ap Parisi mene aike nen he, mel isukwa: “Nineki sabìt oba Ala hesik welegat logousak ìlùk, wene palek mene atì sagalogo hikesik hagate atì nen he, at ebe Ala were'ma nen wagaike mene re, lek ù,” ìlùk isukwa meneat he, it ap aike nen he, “At ebe weak hagaterek mene logoilepma re, wene hùthoagalùk elalin mene yì'nogo hagasusak nogo? Lek o,” ìlùk, it ina'la atì'nogo hùnogo tomok akasukwasik inane sagalogo inebe mìkìlhukwa atì.