MAREKÙT 3:14 - Ala Ane Wene Ket Mene Warogo Wo'ninapike Wene

^14-15 inebe 12 nen menhisìkì logolìk he, mel yogoisasike: “Hit an ninom motok logopik en he, hano wene yogoisìgìk, mokareke inoabùt weak mene apùnì ina'la kìlìk were'ma, an nomame wokhisamo henogo wulaksìgìk, hagarinabìk nìkì logouageip en lakhikegein o,” ìlùk menhisasike.

MAREKÙT 3:14 ပူးပေါင်းရင်းမြစ်များ

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

KALATIA 1:1

Hit Ala againapùrì o Kalatìa atogotì lagep mene nerùgì nagaiya'lak. An Paùlùt nerùgì nagaiya'lak Ala againapùrì he'na o yoma ninom welago mene inebe obogat ninom en wene yì helal palogo hinoba lakhei wago atì. An nayoko hìlìk lakhani wagaikomo wagagi atì re, ero apùnì nen hùk. Ap aike wene oba warogo hìlìk lakhani wagaike hùgat o. We, at Yesùt Karìsùt ebe wa'lagaikomo opase Ala nen eluguthesike mene a'nogo eperak enat nayoko hìlìk lakhani wagaukwama wagagi atì.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

MAREKÙT 3:13

Atì'nogo wenagisalùk hobuk he, at Yesùt ebe tom oba lagasike. Lagalìk he, “Ap inebe atem noba wesuak,” ìlùk a'la akasike mene nek waisasikomo, oba lagasukwama re,

MAREKÙT 6:30

It ap Yesùt en inayoko hìlìk laksasike mene amanogo inapotkwe at oba atogosi wagaukwasik he, mel yogosukwa: “Nit en yì'nogo hagato, tì'nogo hagato. Wene yì'nogo yakùlisogo, tì'nogo yakùlisogo,” ìlùk motok pìlìngìrogo yogosukwa.