MAREKÙT 2:12 - Ala Ane Wene Ket Mene Warogo Wo'ninapike Wene

¹² Atì'nogo lakhesikomo re, ap a'nogo mel agaikesik he, aremnogoat alit a'nogo helalùk it apùnì amanogo obogat ineilhanem wùlìpike. Atì'nogo hagasikomo, it apùnì amanogo obogat en he, mel isukwa: “Egi! Nayùk e. Nit yoma alebat apùnì aike nen yì'nogo aike hagatenem hogorek lek mene hagate yì nayùk e,” ìlùk Ala hogorasukwa.

MAREKÙT 2:12 ပူးပေါင်းရင်းမြစ်များ

MATÌÙT 9:33

Wolok wagaukwama re, at Yesùt en mokareke oabùt weak mene ap a'nogo a'la kìlìk were'ma henogo wulaksasikomo, ap a'nogo ane huak hogo isike. Atì'nogo hagasikomo re, it apùnì apik welagaukwa mene nen Yesùt hogoratì logolìk he, mel isukwa: “Nit apùnì Isirael mene aike nen yì'nogo hagatenem nineileken hisogorek lek mene nayùk e,” ìlùk hogorasukwa.

MATÌÙT 9:8

Atì'nogo hagasikomo re, it apùnì amanogo ineileken hasukwasik inayùk arìk he, “Ala nen apùnì mene nen yì'nogo hagatì logouagalùk menhesikomo atì nayù e,” ìlùk, Ala hogorasukwa.

LUKAT 7:16

Atì'nogo hagasikomo, apùnì apik amanogo inayùk arìk he, Ala hogoratì logolìk, mel isukwa: “Ap kain Ala ane yogonisìkì logogin mene aike ninekele'ma nen weinam aga yì! Ala nen againapùrì telninabigìlùk waga o!” ìlùk isukwa.

LAKSASIKE 4:21

Atì'nogo yogoisasukwama, ap a'nogo elalin hagasukwa atì hesik, apùnì obogat en Ala hogoratì lagaukwa atì nen, ùkùm nìkì'nogo inoba hou heat haga'lagaikomo re, inasuk enek hobuk warogo wulaksasukwa.

YOHANET 9:32

Nen, apùnì emakum ero ba nen yogotak hùlì, apùnì aike ineileken mùm ta'larì'mo nen hobuk hano hagarinapukwa, ìlùk ninasuk holhorek motok lek o.

YOHANET 7:31

It aike nen hakhouogolùk ìkì lagaukwa meneat he, it apùnì apik amanogo inebe heta logolegat inetaùken Yesùt oba hìpìrethesukwasik mel isukwa: “Ap arì elalin mene hagate re, mea akegep? Nen, apùnì telninabuagalùk Ala nen lakhei wesigin isike a'nogo wìrìk he, ebe hùthoagalùk elalin mene hùkoat hagasigin nogo? Lek o,” ìlùk isukwa.

LUKAT 17:15

Atì'nogo lek agaikomo re, ap amanogo mene aike omakeat enek eileken ogat oba pelakhasike hak he, oumo amanogo arat lek agaikomo nen he, apotkwe sùgùlogo waga logolìk, ane hùkorogoat, Ala hogorarìk wagaike.

LUKAT 13:13

eki sebelho kolek aremnogoat he, he a'nogo aporoak higit agaikomo, melagaikesik he, Ala hogorasike.

LUKAT 5:26

Atì'nogo hagasikomo apùnì amanogo inebe obogat inoake palarìk, inayùk apik agaukwasik he, mel isukwa: “Nineileken yogotak hogo atì, motok hunigat mene hogo. Nayùk e,” ìlùk Ala hogorasukwa.

MAREKÙT 1:27

Wùlìpikomo re, it apùnì amanogo nen mel isukwa: “At ane ike atì nìkìnìk. Wene atì ket hùnogoat wene esewerek en yakùlnisìlì'logo hìgì. At en mokareke oabùt weak mene wenagisikenem he, at ane inasuk hologo hagarì'lùgì atì nayùk e!” ìlùk hogorasukwa.

MATÌÙT 15:31

Atì'nogo hagarìnapikomo re, it apùnì amanogo inane lek mene huak ìgìk, ineki inesok hapelek mene hano agìk, inesok wùt warek mene hano arìk kwe lagìk, ineileken mùm mene hano arìk lagisìgìk, ikenem ineileken hasukwasik he, “Egi! Nit apùnì Isirael mene ninopase Ala nayùk e,” ìlùk, hogorasukwa.

MATÌÙT 12:23

Atì'nogo hagasikomo re, it apùnì era'lu atogorek welagaukwa mene nen he, “Egi! Taùt aput wesigin ìlùk ìkì lagaukwa a'nogo ebe yì he a,” isukwa.

MAREKÙT 2:11

“Hebe melarìk he, halit talogo nogo ìkì lagen mene arì helalùk he, haua lan o,” ìlùk lakhesike.