MAREKÙT 2:1 - Ala Ane Wene Ket Mene Warogo Wo'ninapike Wene

¹ At Yesùt eki hamùlùgat o atoma welagaikesik he, hobuk o Kaperenagùm ki wagaike. Ki wagaikesik, ouma kisikomore, apùnì nen he: “At ebe ouma werek o,” ìlùk ikenem inasuk holhukwa.

MAREKÙT 2:1 ပူးပေါင်းရင်းမြစ်များ

YOHANET 4:47

Were'ma, apùnì nen he, “Yesùt a'nogo o Yurea nen Kalilea lagai wagasik werek o,” ìlùk isukwama asuk holhikesik oba wagaikesik he, mel yogosike: “Noe. An naput oba ou wa'lasusak hake werek en, hat lìlìk hagasi lanogolùk hayoko wagì o,” ìlùk yogosikomo re,

MAREKÙT 7:24

At Yesùt en wene atì'nogo yogoisalùk o atoma nen he, o Tìrùt lagai wagaikesik ouma kìlìk, apùnì mel yogoisasike: “It aike inokot logouak eh he, At wagasik, ebe o atoma werek, ìlùk yogoisagùp o. An nabìt,” ìlùk wene palhike meneat he, ebe nìkì'nogo hinago logou heat haga'lagaike.

LUKAT 5:18

Atì'nogo hagarinapo were'ma, ap aike eki esok wùt warek motok welagaike mene lit talogo nogo ikerek oba weitek warok kolek yerogo wolok wagaukwasik he, Yesùt ebe ouma were'ma elokoma hei kuogolùk isukwa.

MAREKÙT 1:45

Atì'nogo yogosike meneat he, at a'nogo nen apùnì yùgùnat yogoisìkì logolìk he: “Yì'nogo haga'nape o,” ìlùk abok hano wìagararìk lagaike atì nen he, at Yesùt o kota ya ta atoma kìlìk ebe weinam hogo nìkì logousak mea agaikomo re, leimo apùnì le'ma lagaikesik welagaike. Atì'nogo welagaike meneat he, apùnì o ya ta atoma nen oba atogosi waga lagaukwa.

MATÌÙT 9:1

Atì'nogo yogosukwama re, at Yesùt so a'la kìlìk, warogo re, i aik ìlì bakwe wùlìpikesik o kota at aua lagaike hak he,

LAKSASIKE 2:6

Were'ma re, ane wu isike a'nogo inasuk holìlùk apùnì inebe apigat atogosi wagaukwa. Atogosi wagaukwasik were'ma, it Yesùt agoromì amanogo nen it apùnì o yì awì tì awì nen wagaukwa mene amanogo inane ba lopok ikenem, inasuk holhukwasik ina'maken lagaike.

MATÌÙT 4:13

Lagai wagaikesik, a kota Nasaret a'nogo hebùlùk he, o kota Kaperenagùm i Kalilea yekelek esakoma, it ap inùkùl etage Sepulon mene ho, Naptali mene ho, inaua atoma logoigìlùk lagai wagaike.

MAREKÙT 2:2

Inasuk holìlùk he, apùnì inebe logolegat atogosi wagaukwa. Wagaukwama re, ouma peserogo re, seleponmakwe inom pese isikomo re, hano wene a'nogo yogoisasike.

MAREKÙT 3:20

Atì'nogo menhisalùk apotkwe aua pi wagaikomo re, apùnì logolegat hobuk oba atogosi wagaukwama re, Yesùt agoromì inom inapùrùk nìkì'nogo na heat haga'lagaike.

MAREKÙT 7:17

apùnì logolek amanogo eta'ma hisalùk, at Yesùt ouma kisikomo re, at agoromì ane wanhì lagaukwa mene amanogo nen he, mel isukwa: “Wene oba lìrogo yogonisegen atì, ebe kì mene hesik yogonisegen,” ìlùk oba hinok wanhukwa.

MAREKÙT 9:28

Melagaikomo re, at Yesùt ouma kìlìk were'ma, at agoromì ane wanhì lagaukwa mene amanogo oba kìlìk, inom inaligat logolìk he, mel yogosukwa: “Nit en he, at mokareke oabùt weak mene atì henogo wulabusak mea atì nìkì'nogo nen,” ìlùk oba hinok wanhukwa.

LUKAT 4:23

Atì'nogo hogorasukwama, at Yesùt en he, mel yogoisasike: “Apùnì nen, ninhùp-nanhùbat ìkì logolìk, Hat hebe ap loktet hake aroma re, hoba ou atì hokawerek en hagaran o, ìlùk egarek mene, hit en lagak hogo an yogonesugun hìgì. Atì'nogo yogonerik he, O Kaperenagùm hagatì lagen mene holhì lago atì hak he, yogotak hokawerek haua yoma atì'nogoat aike hagasin o, ìlùk, yogonesuogolùk ìkì lagep hìgì,” ìlùk atì'nogo yogoisìlìk aike mel yogoisasike: