MAREKÙT 16:9 - Ala Ane Wene Ket Mene Warogo Wo'ninapike Wene

⁹ [At Yesùt ebe hari Minggu ba melagaike atì sat ohealek hùp siak hogo re, melagaikesik, at he Maria aua o Maktala mene mokareke inoabùt weak mene inebe 7 nen a'la kìlìk were'ma hageat henogo wulaksasike mene a'nogo nen tak, “Emakum eileken neoak,” ìlùk elokoma melagaike.

MAREKÙT 16:9 ပူးပေါင်းရင်းမြစ်များ

LUKAT 8:2

it hìmì aike mokareke oabùt weak mene ina'la kìlì'mo henogo wulaksìgìk, inoba ou mene hagarinapìk, hageat hagarinapike mene aike mel, inom nìkì lagaukwa. Hìmì atem aike re, he Maria awì Maktala ìkì lagaukwa mene, alebat mokareke inoabùt weak mene inebe 7 nen a'la kìlìk were'ma, at Yesùt en henogo wulaksasike mene atì mel,

YOHANET 20:12

Atì'nogo le aga logolìk, eileken kelakhasike hak he, Yesùt warek hesukwa ba a'nogo malaikat inebe pìre inasu kut mene laberek, at aike Yesùt warek hesukwa ba ùkùlkwe higit, nen, at aike alakokwe higit, hùrek were'ma eileken isasike.

MAREKÙT 15:47

Te'mek hogo hikenem he, it he Maria aua o Maktala mene a'nogo ho, he Maria Yoset agosa a'nogo ho, wagaukwasik he, “Arem hike,” ìlùk ineileken tùkùm hogo hasukwa.

LUKAT 24:10

It hìmì amanogo inebe re, Maria awì Maktala mene a'nogo mel, Yohana mel, Maria Yakobùt agosa mel, hìmì he'nakìt amanogo inomat inebe obogat en pìlìngìrogo Yesùt agoromì laksagalùk inayoko hesike mene amanogo yogoisa lagaukwa.

MATÌÙT 27:56

It hìmì atem he, aike Marìa aua Maktala mene. Nen, aike re, he Marìa Yakobùt ho, Yùsùp ho, inagosa a'nogo. Nen aike re, Sepeteut againapùrì inagosa a'nogo ho, hìmì aike inomat welagaukwa.

MAREKÙT 15:40

Ati'nogo hagato kolek, it hìmì aike re, he Maria aua Maktala mene, aike re, he Maria at ap Yakobùt elege mene ho, Yoset ho, inagosa, aike re, he Salome, hìmì aike inomat inebe walegat en ineileken yerisek welagaukwa.

ABÌKAKAN 1:10

Atì'nogo were'ma, o ninoe Etagepogot awì we ikomo re, Ala Areagùn noba louk ikomo, napotma nen at aike ane pìkon hùko mene ane hake be mel yogonetenem nasuk holhì:

1 KORÌTÙT 16:2

An nebe waganem en atogosusak lek o. We, ya baat hari Minggu ba ninhùp-nanhùp ìkì logolìk, hinebe lopok hinekim aga halok, atogorogo hisìlìk hesogo logoino o.

LAKSASIKE 20:7

Nit o atoma logolìk, Ala hesik welegat welagagusik he, hùako sùpùrùk horoti mene ninerùgì ninagaiya'lak ninom nuogolùk atogothìlìk, at Paùlùt en wene yogonisìkì lagaike. Hùen arat luogolùk nogo nen he, wene uanat yogonisìkì logolìk, hùako hùp pùlemat yogonisiko motok welagaike.

MAREKÙT 16:8

Atì'nogo yogoisasikomo inoake palarìk he, inoak lei'-leik hese wùlùpukwasik inayùk en wene apùnì aike yogoisìgì'lek pìkìt lagaukwa.