MAREKÙT 16:20 - Ala Ane Wene Ket Mene Warogo Wo'ninapike Wene

²⁰ Ati'nogo wolok lagasikomo re, at Yesùt agoromì amanogo o yì awì tì awì obogat wene yogoisìlìk lagaukwa. Wene yogoisìlìk laganem he, apùnì nen he, “It wene yogonisìlìk wagaika atì eberogoat,” ìlùk wene hùthoagalùk, ninoe Etagepogot inom motok logolìk, it en elalinat hagatenem, at en wene atì omamethesike.]

MAREKÙT 16:20 ပူးပေါင်းရင်းမြစ်များ

LAKSASIKE 14:3

Ina'la atì'nogo kagalho kolegat he, at Paùlùt Parenapat eperak ineki logolegat o atoma inayù'lek hogoat logolìk he, wene ninoe Etagepogot hagatì lagaike wene atì yogoisìkì lagaukwa. Yogoisìkì logolìk, Ala oabùt hano nen wo'nisikerek wene atì, “Eberogoat,” ìlùk hùthoagalùk yogoisikenem, it en hagasusak lek mene elalinat hagarinapì logouagalùk, Ala nen inomamerinapì lagaike.

IBERANI 2:4

Wene atì yogoisìlìk nikenem he, it apùnì aike nen, “Wene atì eberogoat,” ìlùk hùthoagalùk, Ala nen inane legerogo yì mene tì mene hagasusak lek mene elalin omamerogo hagatìk, at a'la walok meneat higit hogo inoabùt lopok Areagùn sùpùrogo wogisìgìk, isike mene atì, nit en ninobaken nene heraksogoin halok he, herakhinegein akegep a? Weaga'ninabiginat o.

ÙRÙM 15:19

At ebe hathoagalùk yì mene tì mene hagatìk, hogorasuagalùk yì mene tì mene elalhìk, omamerogo isike. Ala Areagùn a'nogo omame baat hagasike atì. Hagato kolek he, an he, o Yerusalem a'loma nen lagakpagak pìkìt o Ilirikum a'loma, at Karìsùt wene hano wene atì tùkùm hogo yogoisìlìk wagì.

LAKSASIKE 5:12

It ap Yesùt en inebe weteberogo inayoko hìlìk laksasike mene amanogo apùnì logolegat inom logolìk he, wene apùnì nen hùthoagalùk hagasusak lek mene elalinat hagarinapì lagaukwa. Hagarinapì logolìk, it Ala againapùrì inebe obogat inetaùken omakeat logolìk, inebe Ala awì wùrì'mo selepon etage Salomo aseleponma atogotì lagaukwa.

LAKSASIKE 4:30

Hat homame wo'nisikenem he, hokawerek haput Yesùt etage ba hat heki baat apùnì ou hagarinapìk, wene hùthoagalùk hagasusak lek mene elalinat hagarinapìk, igin atì, ebe nit en hagarinapì logouagalùk homame wo'nisan o,” ìlùk Ala ayoko hesukwa.

2 KORÌTÙT 6:1

At Ala nen he, mel isikomo helal waganogo hesukwama werek: “An nen he, hit hinane nasuk holusak akìgì baat holhì o. Hinebe telhinabusak higit obaat lebethisa wagì o,” ìlùk isike atì re, Ala nen ninane asuk holusak he, o yogotak yaat o. Nen, ninebe telninabusak he, o yogotak yaat o, ìlùk hina'la ebe'ni o. Halok he, nit Ala ninom at hesik hagatì logolìk he, at oabùt hano nen etawìthinapikomo, at ebe wanhigip a'nogo, we tùlemat alematùp o, ìlùk hinasuk watì lago atì.

MAREKÙT 16:19

Wene atì'nogo arat yogoisasikomo re, at Ala nen Yesùt ebe pogot oba wolok lagasike. Atì'nogo wolok lagasikomo era'lu eki ebekwe kain welagarek.

LUKAT 1:1

Teopìlùt noe e. Wene nit ninekele'ma nen haga'lagaike a'nogo, it wene ebe ero ba nen haga'larik waganem ineileken hasukwasik yakùlisìlìk nìkì lagaukwa mene nen yogonisasukwa higit hogo, it apùnì aike inebe motok apik enat wene ebe helal wanuogolùk walhìlìk wagaukwa.

IBERANI 2:3

Atì hak, nit yogotak telninabusak hùko wene atì ninobaken nene heraksogoin halok, weaga'ninabiginat o. Emakum he, wene at ninoe Etagepogot ebe nenat apùnì aike yogoisasikomo inasuk holhukwa mene nen sekek hogo yogonisasukwa mene eberogoat haga'lagaike.