MAREKÙT 16:14 - Ala Ane Wene Ket Mene Warogo Wo'ninapike Wene

¹⁴ Atì'nogo hagarìk waga lagaikesik, ebe hobuk he, it at Yesùt agoromì inebeo 11 nen amanogo hùrek sùpùrùk niko were'ma, “Ineileken neoak,” ìlùk inoba kisikesik inelokoma melagaikesik mel yogoisasike: “Hit yoma hina'la nen he, eberogoat ìlùk akìgì'lek hina'la pùgat yoma rì! Ala nen an nebe arat nelugu'napomo were'ma, it aike nen ineileken neegasik yogohisa wagaika meneat he, hina'la nen eberogoat ìlùk akìgì'legat yoma rì!” ìlùk wenagisasike.

MAREKÙT 16:14 ပူးပေါင်းရင်းမြစ်များ

1 KORÌTÙT 15:5

Eluguthesikomo re, at Kepat eileken hoagalùk elokoma melagaike. Opolik he, it inebe 12 nen amanogo ineileken hoagalùk inelokoma melagaikeat.

ABÌKAKAN 3:19

Atì'nogo hinasuk watì atì re, it apùnì an netaùken hutik mene hùgì, inebe lopok inasuk warogo labìsake tùgì inoatìrek enek atì nen he, weak hagatì lagep mene atì heraksìlìk, hinoabùt hebelarìk he, akiluk hogo hagatì logoino o.

YOHANET 20:27

hobuk At tomat mel yogosike: “Hat ha'la nen eberogoat ìlùk hetaùken noba hìpìrethìgì'lek welagwen atì'nogo logogun. Eberogoat ìlùk akanok en he, heki ha'nììlìk, neki ba heileken nììgìk, nabeleken sìge akwe heki tùm kelakhìgìk, ìlìk he, hetaùken noba hìpìretheino o,” ìlùk yogosike.

MATÌÙT 11:20

Atì'nogo yogoisasikesik he, apùnì inawì sili lopok at en hagasusak lek mene elalinat hagatenem ineileken hìkì lagaukwa meneat he, ina'la hùthìgì'lek logolìk, yì weak tì weak hagatì lagaukwa mene hebisìgì'lek welagaukwa mene wenagisìkì logolìk he, mel yogoisasike:

LUKAT 24:25

Atì'nogo yogosukwama, at Yesùt en he, “Eige! Hinebe kepù a? Ap Ala ane yogoisìkì lagaukwa mene amanogo nen wene obogat yogoisìkì lagaukwa a'nogo eberogoat ìlùk hit hepok hùthahùk welagep yì rì!

MAREKÙT 7:18

Hinok wanhukwama re, at en he, mel yogoisasike: “Hit hogo re, it hinom higirat wene atì hùthìgì'lek welagep a? Yì mene tì mene inapelekwe kelabìk ina'la pelapenem weagarinabusak lek o, ìlùk hùthìgì'legat welagep hìgì.

MATÌÙT 17:20

at Yesùt en he, “Hit hinetaùken tùkùm hogo noba hìpìrethìkì lagep lek atì nen o. Kìbì-kìbì eken magakelak mene heik lakhagarek atì hak, hinetaùken an noba hamùlùgat enek hìpìrethìlìk he, tom arì yogotì logolìk, Aroma nen hìgìlogo wele'ma atoma asi lan o, ìlùk gosugun halok he, atoma nen wele'ma atoma asi lasagat o. Hit en yì mene tì mene hagasumo re, aike mea agì'lek hano nek asigin, ìlùk eberogoat yogohisìgì. [Mene re, mokareke oabùt weak mene yì hake ina'la kìlìk were'ma re, sùpùrùk nìkì'lek sapan umo nek he, elok henogo wùlùbusak o,]” ìlùk yogoisasike.

MATÌÙT 28:17

Lagasukwasik were'ma at Yesùt ebe ineileken hasukwasik he, hai warogo ineitep awì yagasogo hogorato kolek meneat he, it he'nakìt aike nek he, “At ebeat he a? Mel he a,” ìlùk akasukwa.

LUKAT 24:11

Atì'nogo yogoisa lagaukwa meneat he, it amanogo eberogoat ìlùk ina'la ebetì'lek. We, inapeliak ìlì'lùgì, ìlùk akasukwa meneat he,

YOHANET 20:25

Atì'nogo ebe le'ma nogo nen he, it Yesùt agoromì he'nakìt en he, mel yogosukwa: “Tomat nagaiyak. Nit ninoe Etagepogot a'nogo arat nineileken hogo,” ìlùk yogosukwa meneat he, at en he, mel yogoisasike: “An nen at eki ba posie omaken wata mene akwe neileken tùkùm hogo hìgì'lek, nen agapùt neki hakìgì'lek, abelekenma sìge akokwe neki tùm kelakhìgì'lek halok he, eberogoat ìlùk akegein motok lek o,” ìlùk yogoisasike.

YOHANET 20:26

Atì'nogo yogoisasikesik oba nen he, ineki 7 nen welagaukwasik en aike ba it Yesùt agoromì ane wanhì lagaukwa mene amanogo Tomat inomat, o a'nogoat atogosukwasik, kwe obogat kelok yagathìlìk welagaukwa meneat he, at Yesùt wagaikesik ina'la melagaikesik he, mel yogoisasike: “Nagoromì. Hinagùt a'ma”, ìlùk yogoisasikesik,

YOHANET 21:1

At Yesùt en atì'nogo hagasikesik oba nen, i Tiberiat mogoma, at agoromì ane wanhì lagaukwa mene amanogo hobuk inelokoma melagaikeat. Inelokoma melagaike atì, wene ebe re, yì'nogo.

YOHANET 21:14

At Yesùt atì'nogo hagasike atì re, at ebe wa'lagaikesik en apotkwe eluk agaikesik oba nen, eki pìre ba agoromì inelokoma melagaikesik en aike hobuk melagaike atì.

LAKSASIKE 1:3

Yesùt ebe wa'lagaikesik en eluk a'lùk, eki 40 hari inom logolik he, at ebe sekek hogo hùthoagalùk yì mene tì mene elalin logolegat hagatì lagaike. Atì'nogo hagatì logolìk, at en he, “An nebe yì. Ineileken tùkùm hogo neoak o,” ìlùk hobugalep inelokoma melarìk ìnùgisìgìk, Ala awe a'ma welagaikarek wene yogoisìgìk, ìkì lagaike.