MAREKÙT 15:24 - Ala Ane Wene Ket Mene Warogo Wo'ninapike Wene

²⁴ Yesùt ebe arat e ba menhesukwasik he, asu nokolek amanogo inebe lopok, Sanì hak asugun, ìlùk, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

MAREKÙT 15:24 ပူးပေါင်းရင်းမြစ်များ

LUKAT 23:34

Atì'nogo menhisasukwama logolìk, at Yesùt en Ala mel yogosike: “Nopase e! It yì inokot logolìk haga'nabì'lùgì yì re, ùkùm inoba hìgì'lek sagalogo heraksano o,” ìlùk yogosike. Nen, it ap tentara mene amanogo nen he, atì'nogo menhisìlìk, “At Yesùt asu nokolek amanogo sanì hak asugun,” ìlùk he, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

1 PETERÙT 2:24

Nit ninoabùt weak hagatì lagagu mene atì, apùnì wa'larìk yì mene tì mene hagatarek lek atì hak, nit weak mene heraksìlìk, nineluk logolìk Ala walok mene hagatì logouagalùk, nit weak hagatì lagagu mene korogo, at Karìsùt oba hakasikomo, ebe e ba menogo hìlìk wasukwa atì. At ebe libi'-labak hogo wasukwa atì ba, hit hanothinapike atì.

KALATIA 3:13

Ala ane ba helal waganogo hìkì logolìk he, mel isukwa: “Inebe e ba menhisìlìk inoasumo, it inebe wa'lasugun mene atì, Ala nen homan hisegein werek o,” ìlùk, helal waganogo hesukwa hagat, wene Ala nen ninasuk wasike wene atì ba re, homan hinasak higit were'ma, at Karìsùt en ninoko palogo telninabìgìlùk ùkùm nit ninoba mene korogo at oba hakasike atì.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

LAKSASIKE 5:30

Hit en Yesùt ebe hakhegesip e ba menogo hìlìk watep a'nogo, at Ala ninopalak en awe a'ma kìlìk hogoratì lagaukwa mene a'nogo nenat apotkwe eluguthikomo werek o.

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.