MAREKÙT 15:15 - Ala Ane Wene Ket Mene Warogo Wo'ninapike Wene

¹⁵ Atì'nogo yogosukwama, at Pilatùt en he, a'la mel akasike: “Halok he, apùnì logolek yoma ina'la hanorogo yì'nogo hagasik,” ìlùk isikesik he, Parapat a'nogo eki hele hikalogo wogisìkì logolìk he, at agoromì tentara nen Yesùt tùgì labisake warogo e ba menhìlìk wasuagalùk wogisasike.

MAREKÙT 15:15 ပူးပေါင်းရင်းမြစ်များ

YOHANET 19:1

Atì'nogo isukwama re, at Pilatùt hobuk kìlìk he, Yesùt tùgì wasuagalùk wogisasike.

MATÌÙT 27:26

at Parapat a'nogo eki hele hikalogo wogisìkì logolìk he, at Yesùt enek he, tùgì labìsake warogo re, e ba menhìlìk wasuagalùk wogisasike.

MAREKÙT 10:34

Atì'nogo hanumo re, it en inane kerethìgìk yogonetik, wesi hanhìk, tùgì labìsake noatìk, ìlìk he, nebe arat noasugun o. Noatenem he, neki pìre warek logopik en, aike nen neluk asigin o,” ìlùk yogoisasike.

1 PETERÙT 2:24

Nit ninoabùt weak hagatì lagagu mene atì, apùnì wa'larìk yì mene tì mene hagatarek lek atì hak, nit weak mene heraksìlìk, nineluk logolìk Ala walok mene hagatì logouagalùk, nit weak hagatì lagagu mene korogo, at Karìsùt oba hakasikomo, ebe e ba menogo hìlìk wasukwa atì. At ebe libi'-labak hogo wasukwa atì ba, hit hanothinapike atì.

YOHANET 19:16

at Pilatùt en Yesùt ebe e ba menhìlìk wasuagalùk wogisasike. Atì'nogo wogisasikomo re, Yesùt ebe wolok wùlìbi wagaukwa.

KALATIA 1:19

Logolìk, it Yesùt en inayoko hìlìk laksasike mene amanogo inebe aike ninom apì agì'lek. We, ninoe Etagepogot agot Yakobùt a'nogo nek neperak apì agagu.

LAKSASIKE 25:9

Atì'nogo yogosikomo, at Pesetùt en he, apùnì Yahuri mene ina'la hanorogo ìlùk, Paùlùt mel yogosike: “O Yerusalem atoma nen wene yì hesik an neilhanem ero heratenem, eberogoat halok an nen elùgùn wasik en, ninom lùok a? Habìt a,” ìlùk yogosike.

LAKSASIKE 24:27

Atì'nogo iko kolek, mo lagagìk pìgìk 2 tahun welagaukwasik en, hobuk Pelìkìt obùlù'mo ap aike etage Perekìùt Pesetùt gubernur asuagalùk menhesukwa. Menhouogolùk ikenem, at Pelìkìt en he, “It apùnì Yahuri mene ina'la hanorogo,” ìlùk Paùlùt eki hele waregat herakhesike.

LUKAT 18:33

tùgì labìsake noatìk, ìlìk he, nebe motok noasugun o. Noatenem he, neki pìre warek logopik en, aike nen he, neluk asigin o,” ìlùk,

MATÌÙT 20:19

Ùkùm noba hìlìk he, it ap etakwe mene nen inane kerethìgìk yogonetìk, tùgì labìsake noatìk, ìlìk he, nebe e ba menhanìlìk noasuagalùk wogisogoin o. Nen, arat noatenem, neki pìre warek logopik en he, Ala nen nelugu'nabigin o,” ìlùk yogoisasike.

MAREKÙT 15:14

Atì'nogo yogosukwa meneat he, at Pilatùt en he, mel yogoisasike: “At weak nena mene hagatomo nen,” ìlùk yogoisasike meneat he, it en he, “E ba menhìlìk wa'no o!” ìlùk hobuk inane ebenageik kei-karogoat yogosukwa.

LUKAT 23:16

Halok, we, tùgì labìsake nek warogo hele hikaligin o,” ìlùk yogoisasike. [