MAREKÙT 14:72 - Ala Ane Wene Ket Mene Warogo Wo'ninapike Wene

⁷² Hopuk palho kolek aremnogoat, sùe ayam a'nogo ane hobuk isike. Ane hobuk ikenem he, at Peterùt en he: “Ì. At Yesùt en an yogonetì logolìk he: Sue ayam ane emakum ìlìk he, hobuk ìgì'lek werek kolek, hat en he: Yesùt nokot o, ìlùk heki hinagan oba labeligin, ìlùk yogonete a'nogo, arat labelhì yì,” ìlùk a'la ebesikesik he, le etawì hit-hit agaike.

MAREKÙT 14:72 ပူးပေါင်းရင်းမြစ်များ

MAREKÙT 14:30

at Yesùt en he: “Yogotak hùako yìat, sùe ayam ane emakum ìlìk en, hobuk ìgìlek werek kolek, hat en he: Yesùt atì nokot o, ìlùk heki hìnagan oba labeligin a'naga, ìlùk eberogoat yogohetì o,” ìlùk yogosikomo,

MAREKÙT 14:68

Yogosikomo, at en he, mel yogosike: “An nokot o. Hat egen atì hùthìgì lek o,” ìlùk labelhike. Labelhiskesik he, kwe hùko ape pale'ma wùlùparek oba wùlìbi wagaikesik werek kolek he, sùe ayam ane isike.

2 KORÌTÙT 7:10

Apùnì kweangma mene nen ina'la kagalhenem, ina'la weagarìk he, inebe wa'lagaikarek meneat he, at Ala a'la walok akikerek oba ina'la weak agaresik, weak hagatarek mene heraksìlìk inoabùt hebelaganem he, Ala nen hanorinaperek atì. Hanorinapenem he, “An na'la weak aga ba, napik en noabùt hebelhì” ìlùk hobuk wenesùgì ebetarek lek.

LUKAT 22:62

A'la ebethùlùk eta'ma wùlìpikesik he, le motok apik etawì hìt-hìt le agaike.

LUKAT 22:60

at Peterùt en he, “Noe! Hat egen atì, An nokot o,” ìlùk iko kolek aremnogoat he, ayam ane isike.

MATÌÙT 26:34

at Yesùt en he, “Yogotak hùako sùe ayam motok ane ìgì'lek werek kolek, hat en he, Yesùt atì nokot, ìlùk, heki hìnagan oba labeligin a'naga o, ìlùk, eberogoat yogohetì,” ìlùk yogosikomo,

MAREKÙT 14:71

at en he: “Hit en ap abok ìkì lagep atì, ebe an nokot o. Nopase Ala oak! Napeliagat ìgì halok, at en noasuak o,” ìlùk labelhike.