MAREKÙT 14:5 - Ala Ane Wene Ket Mene Warogo Wo'ninapike Wene

⁵ Amusu yì ba, uang perak apùnì yabu ineki omake hesik hagatenem ineki oka omakìtek wogisagarek a'nogo mene 300 nen wìlìk en he, apùnì inagarok lek mene sùpùrisasak mene,” ìlùk, he a'nogo wenagasukwa.

MAREKÙT 14:5 ပူးပေါင်းရင်းမြစ်များ

YOHANET 13:29

Atì'nogo hùthìgì'legat logolìk, at Yùrat atì agaiya'lak inom inauang awìka hesogo welagaresi'mo nogo nen he, mel akasukwa: “Yesùt en nit pesta hagasusak hesik yì mene tì mene oko pali loagalùk yogote he a? Ì a, at he, apùnì inagarok lek mene uang aike omakìtek sùpùrisa loagalùk yogote he a,” ìlùk ina'la akasukwa.

YURAT 1:16

It atì apùnì inabok weak palhìk, wenagisìgìk, iko motogat welagaikarek mene. Yì mene tì mene inetaùken nen nikenem, “Namolo,” akìkì logolìk he, atì meneat hagatìk, inokawerek en hogorakìkì logolìk, yì mene tì mene sabùrogo helùogolùk, it aike inane agauk hogo hogorinapìk, egarek mene.

PILIPI 2:14

Hit en he, at Ala eilhanem ùkùm hinoba legat, nen, weak mene hina'la legat logouogolùk halok he, hinebe Ala againapùrì weak hagatì'lek tegelek motok logolìk, o mùm were'ma hesagal en lìathikerek hak, apùnì yoma inoabùt kolo weak hagatarek mene ina'lakwe lìarogo logolìk, yì mene tì mene hagatì logolìk, “Ninabìt,” ìlùk yìarek-puarek hagatì'legat, wene palhi'legat, hagatì logoino.

EPESÙT 4:28

Hit aike nen hineki abusak wanhì lagep mene halok, hobuk atì'nogo wanhì'lek logolìk, it inelageik mene leberisìkì logouogolùk, hinokawerek yabu hineki omamerogo wanhì logoino o.

1 KORÌTÙT 10:10

Nen, apùnì it mene aike nen yì anga hù anga palhì lagaukwama re, malaikat pogot oba mene inoaterek mene Ala nen lakhei wagaikomo, apùnì inebe apigat inoasike atì hak, nit ninoasinogo ìlùk, yì anga hù anga palusak motok lek o.

YOHANET 6:43

at Yesùt en he, “Hit-hit nabok ngùlùk-habuk palhì lagep atì, palhe hùk o.

YOHANET 6:7

Atì'nogo yogosikomo, at Pilipùt en he, mel yogosike: “Apùnì nen yabu ineki omake hesik hagatenem ineki oko uang wogisagarek atì mene nit en 200 oba sùpùrùk horoti mene oko pali lamo re, apùnì yoma, hamùlùk hamùlùk eken wokhìgìk elok nasak? Meaat o,” ìlùk isikomo re,

LUKAT 15:2

Atì'nogo wagaukwa mene re, it ap Parisi mene mel, it ap Ala ane helal waganek esewerek mene mel, ineileken isìlìk he, inane ngùlùk-habuk ìkì logolìk he, mel isukwa: “Ap yì nen apùnì weak hagarì'lùgì mene woginaperesik sùpùrùk inom omakìma nekarek atì, nayùk e!” ìlùk isukwama re,

MATÌÙT 20:11

Atì'nogo wogisiko kolek he, it amanogo uang wanhì logolìk inoabùt uarek-puarek hagatì logolìk he, ap kain eyabu esewerek mene a'nogo mel yogosukwa:

MATÌÙT 18:28

Atì'nogo lakhesikomo re, at agot a'nogo olilu wùlìpike hak he, at agaiyak ap kain a'nogo agot aike, at wùlìpike a'nogo auang 1.000 mene hamùlùgat wogosike mene oba palek were'ma eperak api agaukwa. Apì agaukwasik ebe hakhìlìk he, alokop perelogo hesogo logolìk, Nagarok hoba palek werek a'nogo oko wo'nom, ìlùk yogosikomo re,

MAREKÙT 14:4

Pelapenem he, it apùnì aike atoma logolìk he, mel isukwa: “He yì amusu obasi hano mene we tùlemat alemarogo pelape yì nahalok.

MAREKÙT 14:6

Atì'nogo wenagasukwa meneat he, at Yesùt en he, mel yogoisasike: “He yì wenagate hùk o. Hebeni. At en an hano haga'nape o.

MATÌÙT 26:9

“Amusu atì oko motok apik mene palogo re, it inagarok lek mene spùpùrisasak mene,” ìlùk isukwa.