MAREKÙT 14:41 - Ala Ane Wene Ket Mene Warogo Wo'ninapike Wene

⁴¹ Kamo isukwama re, at eki pìre ba eileken isa wagaikesik en hobuk lìlìk isa wagaikesik he, mel yogoisasike: “Hit set walogo nogo iko motok logogun a? Nogo arat egep o. An haga'nabugun a'nogo yogotak yìat o. Ap aike nen it ap weak hagarì'lùgì mene nen an abat ta'lasi wagagi a'nogo noasuagalùk ineki ba hanigin atì arat hanigin yì lakhani!

MAREKÙT 14:41 ပူးပေါင်းရင်းမြစ်များ

MAREKÙT 14:35

Atì'nogo yogoisalùk he, at sapan igìlùk horogat atem kweangma elokwe sogoum weinarìk he, sapan mel isike: “Nopase! An yogotak yaat weaga'nabugun atì, weaga'napì'lek hebanusak halok, hebanuak o,” ìlùk isikesik,

YOHANET 17:1

At Yesùt en wene atì'nogo yogoisasikesik he, at ot hìok hogo eileken pogot oba lìakhasikesik he, mel isike: “Nopase. An haga'nabugun a'nogo arat asi waga o. Hat en hageat apùnì aike wo'nesigin mene hùgì inebe lopok an haput en hagarinabumo ineluk motok logouagalùk apùnì obogat neki ba hesigin atì nen he, hat hebe esinethageik en, an haput esinethani me o, nopase.

LAKSASIKE 7:52

It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.

YOHANET 12:27

At Yesùt en wene atì'nogo yogoisasikaeik he, sapan aike mel isike: “Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase.

YOHANET 12:23

Atì'nogo yogosi lagaukwama, at Yesùt en he, mel yogoisasike: “An abat ta'lasi wagagi a'nogo, nebe hogo'nabugun oba arat asi waga o.

YOHANET 8:20

Wene atì'nogo yogoisasike atì re, at ebe Ala awì wùrì'mo peti uang Ala hesik hisagarek oba era'lu logolìk iaike. Atì'nogo ikenem, at ebe hakhousak oba oan asi wagì'lek werek kolek nogo nen he, it apùnì amanogo aike nen hakhìgì'lek kamo isukwa.

YOHANET 7:30

it en Yesùt ebe hakhouogolùk isukwa meneat he, at ebe hakhousak oba higit asi wagì'lek atì nen he, ebe hakhìgì'lek kamo isukwa.

MAREKÙT 14:18

Lagaukwasik he, ouma kìlìk hù'larìk, pesta nìkì logolìk he, at Yesùt en mel yogoisasike: “Hit mene aike sùpùrùk an neperak omakima nìkì lago mene atì nen, an nebe noasuagalùk yoko legein o, ìlùk eberogoat yogohisìgì,” ìlùk yogoisasike.

MAREKÙT 14:10

At Yesùt wene atì'nogo yogoisasikomo nen he, at agoromì inebe 12 amanogo mene, aike at Yùrat Isikariot a'nogo, Yesùt wasuagalùk yoko it ap Ala esewerek inogogì kaintek amanogo inoba lagaike.

MAREKÙT 7:9

Atì'nogo yogoisìlìk, wene aike mel yogoisasike: “Hit hinetaùken motok kagalek yì nayùk e! Hinapu hinopalak hagatì lagaukwa mene atì ning hogo hesogo logouogolùk he, wene Ala nen ninasuk wasike wene atì sagalogo heraksìkì lagep atì hano hìgì,” ìlùk inekalì wasike.

MATÌÙT 26:2

“Nineki pìre logopik en pesta Paskah hagasugun atì hit hineluat o. Atì'nogo hagato kolek, an abat ta'lasi wagagi a'nogo, ap en yoko lìlìk, it aike nen e ba menhanìlìk noasuagalùk ineki ba hanugun o,” ìlùk yogoisasike.

MAREKÙT 14:40

Atì'nogo i lagaikesik hobuk wagaike re, it amanogo nogo ineil agaikomo re, nogo iko were'ma isa wagaikomo nogo nen he, inane nìkì'nogo yogosu heat kamo isukwa.

MAREKÙT 14:42

Halok, lùok en he, mela'ni o. Ap an noasuagalùk yoko laga mene a'nogo re, horogat waga arì,” ìlùk yogoisasike.