MAREKÙT 14:31 - Ala Ane Wene Ket Mene Warogo Wo'ninapike Wene

³¹ at Peterùt en mel isike: “Atì'nogo egenat mene re, an neperak noasumo hano. Yesùt nokot, ìlùk an nen labeligin lek o,” ìlùk ane keirogo isikomo re, it agaiya'lak aike inebe lopok ihane atì'nogo nek ìlìk lagaukwa.

MAREKÙT 14:31 ပူးပေါင်းရင်းမြစ်များ

YOHANET 13:37

at Peterùt en at oba hinok wokhìkì logolìk he, “Noe. An hat hesik wa'lasusak welagì meneat he, hat en he, yogotak an nopolik wesusak mea egen atì nenahalok,” ìlùk yogotì lagaikomo,

MATÌÙT 10:33

Atì'nogo meneat he, sa nen, Yesùt atì an nokot o, ìlùk apùnì ineilhanem labelho halok he, an hogo re, At atì an nokot o, ìlùk nopase pogot oba mene eilhanem pak hogoat igin o,” ìlùk yogoisasike.

MAREKÙT 14:30

at Yesùt en he: “Yogotak hùako yìat, sùe ayam ane emakum ìlìk en, hobuk ìgìlek werek kolek, hat en he: Yesùt atì nokot o, ìlùk heki hìnagan oba labeligin a'naga, ìlùk eberogoat yogohetì o,” ìlùk yogosikomo,

MAREKÙT 14:32

Wene atì'nogo ìlìk ìlìk he, yabumo aike etage Ketsemani lagaukwa. Lagaukwasik, at Yesùt en he, mel yogoisasike: “An horok ya lìlìk sapan iko kolek, hit ya hùrek logoni,” ìlùk agoromì ane wanhì lagaukwa mene amanogo yogoisasike.

LUKAT 23:23

e ba menhìlìk wasuagalùk inane sì'lamok-wa'lamok kìno yogosukwama re, it inane omame agaike.

MAREKÙT 10:39

it en he: “Elok nasagat o,” ìlùk yogosukwama, at en he, mel yogoisasike: “An yì aik tì aik haga'nabugun atì hak, hit atì'nogoat hagathinabugun o. Nen, ima pelaginaparek hak, an pelakhanugun atì re, hit atì'nogoat pelakhikogoinat o.