MAREKÙT 14:15 - Ala Ane Wene Ket Mene Warogo Wo'ninapike Wene

¹⁵ Atì'nogo yogotenem, at en he, o hùlùpo hùlù hùko sekelek mene werago nasak oba obùlùk motok hagarek tegelek were'ma yakùlhisegein a'naga. Yakùlhisike halok he, atomaat nùok en, yì mene tì mene tegelogo hìlìk logoino,” ìlùk he, laksasike.

MAREKÙT 14:15 ပူးပေါင်းရင်းမြစ်များ

LAKSASIKE 1:13

Ki wagaukwasik, ouma atoma kìlìk he, o hùlùpo welagaukwa ba atomaat lagasukwasik welagaukwa. It atì inebe re, Peterùt ho, Yohanet ho, Yakobùt ho, Atereat ho, Pilipùt Tomat eperak ho, Paretolomeùt Matiùt eperak ho, Alpìùt aput Yakobùt atì ho, Simon, “O yoma ninawìwerek mene nek logogun,” ìlùk ìkì lagaike mene atì ho, Yakobùt aput Yùrat atì ho, inom welagaukwa.

LAKSASIKE 20:8

O hùlùpo hùko wùrì'mo atogosugumo atoma, esage lampu logolegat kìalek welagaike.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

2 TIMOTÌÙT 2:19

Mene re, Ala nen o tik negen wasike mene ningsek motogat logogin atì ba helal mel ìlùk waganek werek atì: “Ninoe Etagopogot okawerek againapùrì wenaginapike mene atì inebe elu o,” ìlùk isike. Nen, wene aike re, “It aike nen he, An nebe ninoe Etagepogot apurat o, ìlùk, ìlì'lùgì mene hùgì, Weak hagasusak ninabìt o, ìlùk heraksalùk kwanìrogo wo'lakìkì logouak o,” ìlùk, isikomo helal waganek werek atì.

MAREKÙT 14:14

At opolìk laganem, at ebe ouma kike halok he, ap awì esewerek mene atì oba hinok mel ìlùk wanino: At ninoe wene yakùlnisikerek mene a'nogo nen he, mel ike: An nagoromì nane wìlì'lùgì mene ninom pesta Paskah hesk topa wam warogo noagalùk, o hùlù sekelek kì hak hanhen, ìlùk hinok wani lani, ìlùk lakhina wagama wago.

MAREKÙT 14:16

At agoromì ane wanhì lagaukwa mene inebe pìre laksìkì logolìk, “O kota lani,” ìlùk yogoisasikomo it a'nogo atomaat lagaukwasik he, at Yesùt en isike hagat were'ma ha lagaukwa. Ha lagaukwasik he, pesta Paskah hesik topa wam warìk he, weragasogo tegelogo hesukwa.