Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAREKÙT 14:1 - Ala Ane Wene Ket Mene Warogo Wo'ninapike Wene

1 Atem sat it Yahuri mene topa wam pesta Paskah a'nogo mene mel, eken horoti hisuagalùk a'la pelaparek mene a'la pelapì'lek werago nekarek a'nogo mene mel, ineki pìre logopik, aike nen nùogolùk werek kolek, it ap Ala esewerek mene amanogo inogogì kaintek mel, Ala ane helal waganek esewerek mene amanogo mel, Yesùt eil warogo hakhìlìk wasuogolùk weim abok ìkì lagaukwa.

အခန်းကိုကြည့်ပါ။ ကော်ပီ




MAREKÙT 14:1
23 ပူးပေါင်းရင်းမြစ်များ  

Nen, hùenkwe pesta Paskah a'nogo mene nùogolùk logolìk, at Yesùt en, “An apùnì o kweangma yoma hisalak nopase oba napotkwe lagagin atì arat hakok i waga,” ìlùk, at elu welagaike. Nen, at okawerek agoromì kweangma mene etaùken hutik welagaikesik, hobuk inebe abìt agì'lek etaùken hutik motogat welagaike.


Atì'nogo yogoisa lagaukwama re, it ap Ala esewerek inogogì kaintek mel, Parisi mene mel en he, it ap wene Ala hesik ero pìlìngìtarek mene waisasukwama wagaukwama re, mel yogoisasukwa: “At ap atì ebe hùthoagalùk elalin mene apik hagarì'logo atì re, nit en nìkì'nogo hagasuok akegep.


Atì'nogo hagasikomo re, it ap Parisi mene amanogo olilu wùlùpukwasik he, Yesùt wasuogolùk weim abok isukwa.


Nen, hit aike hinagarok werek mene nen, it lek mene leberìsùogolùk halok, An tì'nogo hagatì lagì, ìlùk hinane a'mìt sup hogo hagatì logogùp o. It aike inetaùken pìre logolìk inogat oba nek hano salek logolìk, o sapan egarek oba kìlìk mel, ebekwe laga logolìk mel, it aike nen, It hano, ìlùk hogorìnabuagalùk hagarì'lùgì atì, hit atì'nogo hagatì logogùp. It atì oko hela hùk he, we hogorinabì'lùgì atìat o.


Weim abok ìkì logolìk he, mel isukwa: “Pesta hùko isago nikenem wene wo'larìk elugun oba weak asinogo nen he, hakhìgì'lek logopik, o we like halok hakhouok o,” ìlùk weim abok isukwa.


Yùrat atì'nogo a'la ebeto kolek he, it apùnì Yahuri mene eken horoti hisuagalùk a'la pelaparek mene a'la pelapì'lek werago nekarek a'nogo mene nùogolùk lilu alebagìk nekarek mene nùogolùk ìkì logolìk, pesta Paskah hesik wam topa wam warogo nasak higit agaike. Hìgìt agaikomo, at Yesùt agoromì ane wanhì lagaukwa mene amanogo oba wagaukwasik he, mel yogosukwa: “Noe. Hat wam topa wam pesta Paskah hesik nanok en he, nit en yì mene tì mene o koma tegelogo hei lasak walok akegen,” ìlùk oba hinok wanhukwa.


Atì'nogo wasukwasik he, o apùnì ineki hele warek hisagarek oba hei lagaukwa. Hei lìlìk he, ap tentara mene inebe 16 logolìk he, alep inebe 4 en serogo welagìk, hobuk inebe 4 enat serogo welagìk, ìkì logouagalùk inayoko hìlìk he, at Herotet a'la nen mel akasike: “Pesta etage Paskah, nogoin a'nogo nalùk he, Peterùt waganogo apùnì ineilhanem ùkùm oba hìlìk wasuok en, eki hele waregat logouak o,” ìlùk a'la akasike.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ