It apùnì aike inapeliagat ìkì logolìk he, Karìsùt a'nogo nebe anat o, ìgìk, nen, it aike nen, Ala ane yogohisìgìrek mene anat o, ìgìk, i wesugun o. Wìrìk he, Apùnì Ala nen wenaginapike mene amanogo lalinabusak he a? Lek he a, ìlùk lalinabuogolùk he, inane eberogoat akoagalùk hagasusak lek mene elalin mene hagarìk wesugun o.
MAREKÙT 13:6 - Ala Ane Wene Ket Mene Warogo Wo'ninapike Wene6 Apùnì inebe apigat en inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìlùk inane eberogoat salek apùnì apigat lalinabi wesugun. အခန်းကိုကြည့်ပါ။ |
MAREKÙT 13:6
13 ပူးပေါင်းရင်းမြစ်များ
Nerùgì nagaiya'lak. Netawìlak e. Apùnì inebe apigat en he, “Nit en Ala ane yogohisìkì lago,” ìlùk inapeliak ìlì'lùgì mene inebe arat weinam agaikasik, o yì awì tì awì nùgì atì nen he, aike hinoba wìrìk, wene yogohisikenem, hit en he, “Ala Areagùn a'la logolìk yogonisìlì'logo,” ìlùk hinetaùken inoba hìpìrethùgùp o. At he, “Eberogoat Ala Areagùn a'la logolìk ìlì'logo a? Hùnogo mene a'la logolìk yogonisìlì'logo a,” ìlùk inoabùt tak palìk en, inebe hùrisìkì logoino o.
Atì nen he, an nen wene alep yogohisìkì logolìk he, Weak hagatì lagep mene ùkùm hinoba werek kolek wa'lasugun o, ìlùk yogohisìgì a'nogo re, mel hesik ìgì. Hit en an hesik he, At ebe esok motok welagarek meneat o, ìlùk hinetaùken noba hìpìrethogoin lek halok he, ùkùm hinoba werek kolegat wa'lasugun atì nen ìgì o,” ìlùk yogoisasike.
Atì'nogo hùthìgì'lek werek kolek, at en he, mel yogoisasike: “An abat ta'lasi wagagi a'nogo, hit en an nebe e ba menhanugun atì sat, hit en he, Esok motok welagarek mene a'nogo ebe yìat o. At en wene yogonisìkì logolìk he, a'la nen kagalogo ìgì'lek. We, at opase nen yakùleterek mene nek yogonisìkì lagama, ìlùk, hinelu asugun o.
ကြော်ငြာတွေ