MAREKÙT 13:32 - Ala Ane Wene Ket Mene Warogo Wo'ninapike Wene

³² At Yesùt en atì'nogo yogoisasikesik wene aike mel yogoisasike: “Haga'lasigin atì, o ti sat, jam ti ba haga'lasigin ìlùk, nit obogat ninokot enek. It malaikat Ala nen yoko pelaksa wagarek mene amanogo inokorat. Nen, an nebe at Ala aput meneat he, nokorat o. We, an nopase aligat elu o.

MAREKÙT 13:32 ပူးပေါင်းရင်းမြစ်များ

LAKSASIKE 1:7

Yogosukwama re, at en mel yogoisasike: “Wene egep atì, an nopase esewerek en akasike higit hogoat haga'lasigin atì nen he, hit en he, Hùlì tì hùlì ba logopik haga'lasigin, ìlùk hinelurogo logousak mea o.

MATÌÙT 25:13

Yesùt en atì'nogo yogoisasikesik he, “Atì hak, an wesigin atì, hit en, O tì sat, jam tì ba wesigin, ìlùk, hinokot atì nen he, se'narek logolìk hinepe hebelogo logoino o,” ìlùk yogoisasike,

ABÌKAKAN 3:3

Hit atì'nogo siak hogo melarìk hinomamo agì'lek halok he, apùnì yogot wanuogolùk hinagasogo wagaikarek atì hak, an atì'nogoat, hit en, At tì sat wesigin, ìlùk hinokotma wesinogo nen he, wene emakum yakùlhisasukwama hinasuk holhigip mane hina'la ebethìlìk he, weak hagatì lagep mene hukalogo heraksìlìk hinoabùt hebelarìk, wene atìat hineki ning hogo hesogo logoino o.

MATÌÙT 25:6

Atì'nogo nogo iko kolek, hùp pùlem it apùnì nen he, Ap agwe ìkìke werek a'nogo ebe waga a'lì. Elokoma we'ni o, ìlùk, inane hùkorogo isukwama,

2 PETERÙT 3:10

Atì'nogo werek meneat he, apùnì wonogat werek kolek yì mene tì mene yogot wani kagarek atì hak, ninoe Etagepogot wesigin atì, atì'nogoat wesigin o. Atì like, pogot ebe omake hesigat sogoi ane hake ìlìk ìlìk lek agìk, yì mene tì mene pogot oba welagarek mene ero inomat etu nìkìk, kweang ebe mel, yì mene tì mene kweangma welagarek mel, obogat lek agìk, ìgìn o.

MATÌÙT 25:19

Atì'nogo kweangma salhìlìk were'ma re, inoe a'nogo welagaikesik en hobuk wagaikesik, Uang wogisìgì amanogo, it en hobuk mìren mangorata, ìlùk, waisasikomo wagaukwama re,

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.

MAREKÙT 13:31

Pogot mel, kweang mel, atì lek asigin meneat he, an nane atì lek asigin motok lek o,” ìlùk yogoisasike.