MAREKÙT 12:1 - Ala Ane Wene Ket Mene Warogo Wo'ninapike Wene

¹ At Yesùt en wene atì'nogo yogoisasikesik he, hobuk wene aike oba lìrogo mel yogoisasike: “Ap aike eyabumo anggur awì yasike. Yasikesik he, leget wùtìk, eken sagalogo amusu keralhì logogun oba kweang habulhìk, ineileken logogun oba laleka pelatìk, isike. Isikesik he, ap aike serogo logouagalùk hisalùk he, ebe o wele'ma atoma lagaike.

MAREKÙT 12:1 ပူးပေါင်းရင်းမြစ်များ

MATÌÙT 13:3

Hù'lasi kisikesik, yì mene tì mene ba lìthìgìk wene apik yogoisìkì lagaike. Aike mel yogoisasike: “Ap aike yabu waganogo awì yaterek mene awì heik lakheigìlùk wùlìpike.

MATÌÙT 21:28

At Yesùt en atì'nogo yogoisìkì lagaikesik hobuk mel yogoisasike: “Wene igin yì re, hit nìkì'nogo akìkì lagep mene igiìn. Ap aike againapùrì inebe pìre welagaukwa. Were'ma, aput makusa mene atì oba lagaikesik he, mel yogosike: Naput. Yogotak hat he, anggur yabumo a'nogo yabu hagasi lan, ìlùk yogosike.

MATÌÙT 21:33

At Yesùt en wene atì'nogo oba lìrogo arat yogoisasikesik he, “Hobuk wene aike yì oba lìrogo yogohisak. Ap aike akweang esewerek mene nen eyabumo anggur awì yakasikesik he, leget wùtìk, eken sagalogo amusu keralhì logogun oba kweang habulhik, ineileken logogun oba laleka pelatìk, isikesik he, ap aike serogo logouagalùk hisalùk he, o wele'ma atoma lagaike.

MATÌÙT 21:34

Lagaikesik werek kolek, eken ìtenem palharek oba higit asi agaikomo re, ap eyabu esewerek mene a'nogo nen, atitigeke mene aike it ap serogo logouagalùk hisasike mene amanogo nen anggur eken aike wogosuagalùk, inoba laksa wagaike.

MATÌÙT 25:14

At Yesùt en atì'nogo yogoisasikesik he, aike mel yogoisasike: “Ala nen awe a'ma hisikere'ma atoma, eperak higit he, ap aike o walegat hùnogoma lagalùk ìkì logolìk, at atitigeke mene waisasikomo wagaukwama re, at agarok yì mene tì mene it hesogo logouagalùk ineki ba hùlùk lagaike atì hakeat o.

MAREKÙT 11:33

hobuk Yesùt mel yogosukwa: “Wene atì nit ninokot o,” ìlùk yogosukwama, at Yesùt en he, mel yogoisasike: “Halok he, an nen hogo re, Ati mene esewerek agarìk hagatì lagì, ìlùk hit yogohisegein legat o,” ìlùk yogoisasike.

MAREKÙT 13:34

Wene yì eperak higit he, ap aike aua nen o walegat lagalùk he, atitigeke mene aua serogo logouagalùk hisalùk lagarek. Lagalùk, atitigeke mene amanogo ineyabu lopok sùpùrogo wogisìkì logolìk, Hat aike yì hagatì logoino. Hat aike tì hagatì logoino. Hat aike nawì kwe ba serogo welagatek mene yì, heileken hanorogo logoino, ìlùk sùpùrogo wogisalùk lagarek hakeat o.

MAREKÙT 3:23

Atì'nogo isukwama, at Yesùt en apùnì logolek amanogo waisìlìk he, wene oba lìrogo mel yogoisasike: “Ibilit apùnì ina'la kìlìk he, okawerek en henogo elok wulakhakasak nogo? Motok mea o.

MAREKÙT 4:2

Hù'lasi kìlìk he, wene yì mene tì mene ba lìthìgìk, wene apik yakùlisasike. Yakùlisìkì logolìk, aike mel yogoisasike:

LUKAT 15:13

Atì'nogo sùpùrisasikomo, aput elabo mene a'nogo eki aike inom welagì'lek, yì mene tì mene, at agaike mene hùgì motok heleleng hogo oko abarogo auang helalùk he, o walegat atoma lagaike. Lagaikesik atoma logolìk he, a'la ebetì'lek, we, yùgùnat hagarìk nìkì logolìk auang amanogo motok nalek-halek hogo hagasike.

LUKAT 19:12

“Ap kain nen tagokwe mene aike a'la nen he, O ap kaintek inetagepogot menhisagare'ma atoma laganem an kain netagepogot menhanumo napotkwe wesigin, ìlùk akasike.

LUKAT 22:9

it en he, “Nit en yì mene tì mene o koma tegelogo hìlìk logousak walok en egen,” ìlùk isukwama,

LUKAT 8:10

at Yesùt en he, mel yogoisasike: “Ala nen awe a'ma hisikerek wene atì, at a'la hinago welagaike mene atì, hit enek he, wene atì hinelu asuageip ìlùk pak hogo yogohisasak ìlùk, akasike meneat he, it apùnì aike atì re, at Ala nen he, Ineileken hìkì logogun meneat he, tùkùm hogo hìkì logogun lek o. Nen, inasuk holhì logogun meneat he, tùkùm hogo hùthìkì logogun legat o, ìlùk isike atì higit asuagalùk wene atì oba lìthìgìgat yogoisìkì lagì o,” ìlùk yogoisasike.

LAKSASIKE 7:38

Nen, ninopalak inom o leimo apùnì le'ma atoma atogorek were'ma, tom Sinai atì a'ma malaikat Ala nen yoko pelaksa wagarek mene amanogo aike oba pi wagaikesik he, eperak wene ane isukwa atì, at Musa at o. Ninopalak amanogo inomat were'ma, at Ala nen, wene nineluk logogun wene atì, nit yogonisoagalùk yogosike atì, at Musa at o.