MAREKÙT 10:49 - Ala Ane Wene Ket Mene Warogo Wo'ninapike Wene

⁴⁹ at Yesùt ebe melagaikesik he, apùnì amanogo mel yogoisasike: “Wesuak en wae'ni o,” ìlùk yogoisasikomo, it en he, waeti logolìk he, mel isukwa: “Yesùt en waherì'logo atì re, ha'la hai hìlìk melame o,” ìlùk yogosukwa.

MAREKÙT 10:49 ပူးပေါင်းရင်းမြစ်များ

LUKAT 18:40

at Yesùt ebe melagaikesik he, apùnì amanogo mel yogoisasike: “Ap atì wolok we'ni o,” ìlùk yogoisasikomo, ebe Yesùt era'lu hei wagaukwama, at en hinok wokhìkì logolìk,

YOHANET 11:28

Atì'nogo yogo'lùk he, Mareta nen oe Maria waesi lagaikesik he, mel yogosike: “Ninoe wene yakùlnisìlì'logo mene a'nogo ebe wagasik horok yoma logolìk waherì'logo,” ìlùk ane sami-samok yogosike.

IBERANI 2:17

Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

MATÌÙT 9:2

ap aike eki esok motok wùt warek welagaike mene e talek oba weitek werek kolek yerogo wolok oba wagaukwama, at Yesùt en he, “It atì inetaùken an noba hìpìrethagasik en wolok wagaika hìgì,” ìlùk, eileken enagat isìlìk he, ap eki esok wùt warek mene a'nogo mel yogosike: “Naput e. Ha'la hai hakan. Hat weak hagatì lagen mene re, an nen sagalogo legetsìgì o,” ìlùk, yogosike.

MAREKÙT 10:50

Atì'nogo yogosukwama re, asu etakwe laberek mene nokologo po laksalùk he, uapare'ma melarìk he, Yesùt oba wagaike.