MAREKÙT 10:41 - Ala Ane Wene Ket Mene Warogo Wo'ninapike Wene

⁴¹ Atì'nogo yogoisikenem he, at Yesùt agoromì ane wanhì lagaukwa mene he'nakit inebe 10 nen inasuk holhukwasik he, ina'mage Yakobùt Yohanet eperak inoba hesukwa.

MAREKÙT 10:41 ပူးပေါင်းရင်းမြစ်များ

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.

ÙRÙM 12:10

Hinerùgì hinagaiya'lak Ala againapùrì mene atì hinebe ap omakeat en tago mene negen, hinetaùken tùlem hinetawìrogo logolìk he, hit-hit hinerùgì hinagaiya'lak hinane agauk hogo yogoisìkì logoino.

YAKOBÙT 4:5

Holoat Ala ane aike halal waganogo hìkì logolìk, mel isukwa: “Hìmì inetawìrogo logolìk elele waganek motok welagaikarek atì hak, Ala nen Areagùn nina'la hinasikomo ninebe etawìrogo logolìk, elele waganogo ha'nisek welagarek,” ìlùk helal waganogo hesukwa atì, hit hina'la nen he, “We, tùlemat isukwa,” ìlùk akìkì lagep a? Tùlemat isukwa lek o.

LUKAT 22:24

Ati'nogwo ìlìk lagaukwasik he, kain sa, ìlùk inane sagalhì logolìk, mel isukwa: “Hetagewerek hat nogo? An akìgì,” ìlùk, at aike nen ìgìk, aike nen ìgìk, inane sagalhukwa.

MATÌÙT 20:24

Atì'nogo yogoisikenem, it at agoromì he'nakìt inebe 10 nen inasuk holhukwasik he, ina'mage it ap inebe pìre oe agot eperak aremnogo inoba hesukwa.

MAREKÙT 10:42

Ina'mage atì'nogo inoba hesukwama re, at Yesùt en inebe obogat atogosuagalùk waisasikomo atogosukwama mel yogoisasike: “Nagoromì. It apùnì etakwe mene inogogì pemerintah mene nen, Hinogogi kaintek he, nirat o, ìlùk, mep lagai'-lagak hogo hagarinapìk, nen, it ap kaintek atì nen, set kwìl-kwal hogo yogoisìgìk, egarek atì hinelu.

LUKAT 22:25

Atì'nogo ikenem, at Yesùt en it mel yogoisasike: “It apùnì etakwe mene atì re, inogogi inetagepogot en inagoromì hagisek logolìk inane keirogoat, Yì mene haga'no, ti mene haga'no, ìlùk yogoisìgìk, nen, it inagoromì nen, Ninoe atì hano ha'nisek werek, ìgìk, egarek atì hak he,