MAREKÙT 10:32 - Ala Ane Wene Ket Mene Warogo Wo'ninapike Wene

³² Hobuk he, at Yesùt atì'nogo yogoisalùk, agoromì ane wanhì lagaukwa mene inom o Yerusalem puogolùk, kwe ebekalem pìkì logolìk he, at Yesùt kwe wanhikomo it agoromì amanogo inayùk arìk hogorasukwa. Nen, it apùnì aike inopolik pìkì logolìk inayùk agaukwaat. Atì'nogo inayùk arìk, pisukwa pisukwa it ap inebe 12 nen amanogo inalepma hek hogo wogisek pìkì logolìk, at en he, mel yogoisasike: “An hobuk yì'nogo haga'nabugun, tì'nogo haga'nabugun,” ìlùk yogoisìlìk pisike.

MAREKÙT 10:32 ပူးပေါင်းရင်းမြစ်များ

LUKAT 9:51

Atì'nogo yogoisìlìk he, at Yesùt ebe Ala nen pogot oba lìakhousak arat higit asi wagaikomo re, at a'la nen, O Yerusalem pigin, ìlùk ning hogo wenesùgì lakhìlìk he, kwe wanhìke.

YOHANET 11:16

Ati'nogm yogoisasikomo, ap etage Tomat ìgìk, Hùlìpmìo ìgìk, egarek atì nen he, agaiya'lak Yesùt agoromì he'nakìt amanogo mel yogoisasike: “Yesùt ninomat wa'lasuok en he, puok en we'ni o,” ìlùk yogoisasike.

YOHANET 11:8

Atì'nogo yogoisasikomo, it en he, mel yogosukwa: “Noe. Ap kaintek Yahuri mene nen ket yìat helep oba hoasuogolùk ìkì lagaikama lagai wagen a'nogo meneat he, hat hobuk hapotkwe o atomaat pigìlùk ìkì lagen?” ìlùk isukwama,

LUKAT 10:23

Atì'nogo yogoisìlìk he, agoromì ane wanhì lagaukwa mene amanogo inalepma kek hogo wogisek lìlìk elokwe hebek hogo wogisìlìk he, mel yogoisasike: “Hit hineileken hasak meneat arat hìkì lagep mene yì, hina'la hai hakìkì logoni.

MAREKÙT 4:34

It apùnì aike yakùlisagalùk halok he, wene oba lìthìgìk enek yakùlisìkì lagaike meneat he, at agoromì ane wanhì lagaukwa mene amanogo nek he, inom inalepma logolìk weneebe weinamat pak hogo yogoisìkì lagaike.

MATÌÙT 13:11

at Yesùt en he, “Ala nen awe a'ma hisikerek wene atì, at a'la hinago welagaike mene, hit enek he, hinelu asuageip ìlùk, pak hogo yogohisasak akasike meneat he, it apùnì aike atì nek he, pak hogo yogoisasak lek akasike.

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

MAREKÙT 1:27

Wùlìpikomo re, it apùnì amanogo nen mel isukwa: “At ane ike atì nìkìnìk. Wene atì ket hùnogoat wene esewerek en yakùlnisìlì'logo hìgì. At en mokareke oabùt weak mene wenagisikenem he, at ane inasuk hologo hagarì'lùgì atì nayùk e!” ìlùk hogorasukwa.

LUKAT 19:28

Wene atì'nogo arat yogoisalùk he, apùnì amanogo oan werek kolek, at Yesùt ebe ebalebagìk, o Yerusalem lagasike.