MAREKÙT 10:29 - Ala Ane Wene Ket Mene Warogo Wo'ninapike Wene

²⁹ at Yesùt en he, mel yogosike: “Nane eberogoat yogohisak. Sa nen, an etawì nen, wene hano wene yì walok en, awì wùrìk mel, oe agot mel, erùgì mel, agosa opase mel, againapùrì mel, eyabu siok mel, heraksalùk waga halok he,

MAREKÙT 10:29 ပူးပေါင်းရင်းမြစ်များ

1 KORÌTÙT 9:23

An it apùnì obogat inoabùt atì'nogo waganogo hagatì lagì atì re, it ninom hano mene esewerek asuogolùk hano wene atì hesigat hagatì lagi o.

MAREKÙT 8:35

Sa nen, An nebe neluk logousak walok, ìlùk ebe elele helegein halok he, wa'larik nong akegein o. Meneat he, sa nen, an nebe hesik mel, hano wene yì hesik mel, wa'lasigin halok he, ebe telegein o.

ABÌKAKAN 2:3

Nen, apùnì nen an hesik yì aik tì aik hagathinapo kolegat, hit en he, At ninabìt, ìlùk, herakhanhì'lek hinepe morogo welagasebat.

MATÌÙT 10:18

Atì'nogo hagathinabugun atì, ero an nebe hesigat, ap inetagepogot mene mel, kaintek mene mel, inoba wokhisek laganem, hit en it ap atì ineilhanem an hagatenem hineileken niìkì lagep mene a'nogo pak hogo it yogoisìgìk, apùnì etakwe mene yogoisìgìk, yogoisoagalùk hanoasuak hinanema wanugun a'naga o.

MATÌÙT 6:33

Halok he, hinopase Ala nen awe a'ma logolìk hagatì logousak atì hesik mel, nen, at en, Yì'nogo tì'nogo haga'no, ìlùk yogohisikenem hagatì logousak atì hesik mel, esinethìkì logogun halok, yì mene tì mene atì oba louk hogo wokhisegeinat o.

MATÌÙT 19:29

Halok, an netage hùko asuagalùk sa nen awì wùrìk mel, oe agot mel, erùgì mel, opase agosa mel, againapùrì mel, eyabu siok mel, heraksalùk waga halok he, obùlù'mo Ala nen oko ebe mene motok apik wogotìk, nabùlal-habùlal wogotìk, ìgìn o.

LUKAT 18:29

at Yesùt en he, mel isike: “Sa nen Ala awe a'ma logoigìlùk awì wùrìk mel, agwe mel, oe agot mel, opase agosa mel, againapùrì mel, heraksalùk waga halok he, o yogotak ya logolìk obùlù'mo motok apik oba louk hogo wogosigin o. Nen, o hobuk haga'lasigin a'nogo logolìk, nabùlal-habùlal wogosiginat o, ìlùk eberogoat yogohisìgì,” ìlùk yogoisasike.