Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAREKÙT 10:21 - Ala Ane Wene Ket Mene Warogo Wo'ninapike Wene

21 at Yesùt eileken oba hìlìk etawì arìk he, mel yogosike: “Hat he, wene omakeat enek aike hagatì'lek welagen o. Hat yoma nen lìlìk he, hagarok yì mene tì mene atoma obogat it aike inoba abasi lan o. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

အခန်းကိုကြည့်ပါ။ ကော်ပီ




MAREKÙT 10:21
29 ပူးပေါင်းရင်းမြစ်များ  

Atì'nogo yogosikesik he, at agoromì ane wanhì lagaukwa mene amanogo aike mel yogoisaaike: “At sa nen an nopolik nìkì logoigìlùk halok he, oabùt okawerek hesik etaùken tùlem logolìk hagaterek mene atì, Nabìt, ìlùk heraksalùk, e ba menhisìlìk inoatarek mene atì ageiyo meneat wolok nopolik nìkì logoigìlùk wesuak o.


at Yesùt en he, “Hat hebe hano motok asigìlùk halok, yoma nen lìlìk he, hagarok yì mene tì mene atoma obogat it aike inoba abasi lano. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en, we'no,” ìlùk yogosike.


wene atì asuk holhìkesik he, agarok motok api'mo nogo nen he, elokoken age lagalìk he, a'la weak a'lùk lagaike.


Wenagasikesik he, apùnì logolek amanogo inom, agoromì ane wanhì lagaukwa mene amanogo inom, waisasikomo wagaukwama re, mel yogoisasike: “At sa nen an nopolik nìkì logoigìlùk halok he, oabùt okawerek hesik hagaterek mene atì, Nabìt, ìlùk heraksalùk he, e ba menhisìlìk inoatarek mene atì ageiyo meneat wolok he, an nopolik nìkì logoigìlùkk wesuak o.


Hit hinagarok mene atì oko abarìk he, oko uang abasugun mene amanogo it inagarok lek inelageik mene atì sùpùrisano o. Sùpùrisìlìk he, uang awì momok agarek lek mene waganogo hìlìk, kalogo hìkì logou hak, hinagarok hano motok lek asigin lek mene, it ap ineil agasabu weak mene nen yogot hinasi kìgìk, elugeke nen palhìk, ikerek motok le'ma pogot oba atoma kalogo hikoagalùk lakhakìkì logoino o.


Atì halok he, an wene aike yogohisak. Hinagarok yì mene tì mene kweangma mene, ineilmasirogo kolo hagatarek mene atì lek aga halok, hinawì hano motok logousak oba wokhinabuagalùk he, yogotak ya hinagarok atì ba hinagaiya'lak hinom ekaberakìkì logoino o,” ìlùk yogoisasike.


at Yesùt asuk holhikesik he, mel yogosike: “Wene omakeat enek aike hagatì'lek welagen o. Hat hagarok atoma heleleng hogo it alke inoba abasi lano. Abarìk he, oko wokhesugun mene atì it apùnì aike inagarok lek inelageik mene atì motok sùpùrogo wogisano o. Atì'nogo arat wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,


At Yesùt en atì'nogo yogoisalùk horok hogo asi pisukwasik, at Yesùt eileken o kota Yerusalem a'nogo lakhìlìk he, ouak le agaike.


Atì'nogo yogoisasikesik, wene aike it apùnì obogat mel yogoisasike: “Sa nen an nopolik nìkì logoigìlùk halok he, okawerek hesik hagaterek mene, Nabìt, ìlùk hebisalùk he, e ba menhisìlìk inoatarek mene atì, ageiyo meneat ninhùp-nanhùbat wolok he, an nopolik nìkì logoìgìlùk wesuak o.


Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.


aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.


Atì'nogo logolìk he, it aike nen, inakweang mel, inagarok mel, oko uang wìlìk he, uang atì it Ala againapùrì mene amanogo inebe lopok sùpùrisìkì logolìk, it aike lek mene elok hogoat sùpùrisìkì lagaukwa.


Atì hagat he, hit hinetaùken hesik an nagarok yì mene tì mene hikìgìk, nebe mel hikìgìk, netaùken oba nen na'la hai hakìkì logolìk usagat welagì o. An hit hinebe netaùken tùlem werek kolegat he, hit enek he, an nebe hinetawì lek negen logousak nogo?


Nit Karìsùt Yesùt ninom hutik logolìk, Ala hesik hanorogo hagatì logouogolùk nina'la akìkì lago mene hùgì, ninebe lopok obogat yì aik tì aik haga'ninapì logogunat o.


it aike hele warogo kelaksikenem hinetawìrinapìk, ìkì lagagip atì. Atì'nogo hagatì logolìk hina'la nen he, “Nit mene ningsek hano motok logogin mene werek o,” ìlùk akìkì logolìk he, hit mene yì mene tì mene helikenem hina'la weak agì'lek hai hakìkì lagagip atì.


Hit aike wene Ala nen ninasuk wasike wene a'nogo obogat hesogo logolìgat he, omakeat aike sagalogo hebisegep halok, “Wene atì obogat sagalogo hebisega o,” ìlùk, eberogoat, ùkùm hinoba agama werek o.


Atì'nogo meneat he, wene hamùlùgat aike an nabìt mene hagatì lagep mene atì yogohisak o. Hageat apùnì Isirael mene inebe weak asuagalùk, wam tùgì ako warek mene kùrìk nìkìk, pailak haksìgìk, uagalùk, ap Pileam en Palak yakùlesikomo, at en ina'la kagalhì lagaike mene atì, hit aike at awene atì hesogo welagep hisìgì.


Atì'nogo meneat he, at he Isebel a'nogo nen apeliagat, An nebe Ala ane yogoisigirek meneat o, ìlùk apùnì an natitigeke mene inebe apigat pailak haksìkì logouagalùk yakùlisìgìk, wam tùgì ako warek mene kùrìk nìkì logouagalùk yakùlisìgìk, iko kolek, hit en he, wenagatì'lek, At oba lopok, ìlùk, herakhìkì lagep atì nek he, It weak hagarì'lùgì, ìlùk hinoabùt palhì lagì o.


Atì'nogo meneat he, emakum hinetaùken an noba hutik welagagip atì hak, yogotak atì'nogo welagep lek atì nek he, Weak hagarì'lùgì, ìlùk hinoabùt palhì lagì o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ