MAREKÙT 10:14 - Ala Ane Wene Ket Mene Warogo Wo'ninapike Wene

¹⁴ Atì'nogo wenagisikenem, at Yesùt eileken isìlìk a'mage lagalìk he, mel yogoisasike: “Apùnì inoabùt it yekerùgì arì inoabùt atì hake haga'lasugun halok he, Ala nen awe a'ma hisikere'ma atoma esewerek asugun atì nen he, yekerùgì magatek aroma an noba we'nìk. Wene palhe hùk o.

MAREKÙT 10:14 ပူးပေါင်းရင်းမြစ်များ

MATÌÙT 19:14

Wenagisasukwa meneat he, at Yesùt en, “Apùnì yekerùgì yì hake haga'lasugun halok, Ala nen awe a'ma hisikere'ma atoma esewerek asugun atì nen he, it yekerùgì magatek aroma an noba we'nìk. Wene palhe hùk o,” ìlùk yogoisasike.

MATÌÙT 18:10

Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

MATÌÙT 18:4

Sa nen, An mea mene, ìlùk oabùt yekerek yì oabùt hake etaùken okawerek en sebethakìlìk seberogo logogin halok he, at atì Ala awe a'ma hisikere'ma atoma kain etagewerek logogin o.

1 PETERÙT 2:2

Yì mene tì mene etuk mìkhìlìk, hano egarek atì hak, ninoe Etagepogot oabùt hano hegep atì nen he, omalik ketago mene eilak nele nen niko motok welagaikarek atì hak, wene hano wene hinetaùken atì ba wurik asumo hanothinabuagalùk, wene atìat hinamolorogo wanho motok logoino o.

2 TIMOTÌÙT 3:15

Hat hebe yekerek oba nenat Ala ane helal waganek atì helu welagatek atì, ha'la eberek motok logousak o. Atì'nogo logolìk, hetaùken Karìsùt Yesùt oba hìpìrìk were'ma, Ala nen telhabusak mene hùthanogolùk, at ane helal waganek atì baat ha'la elogat kagalusak werek o.

2 TIMOTÌÙT 1:5

Logolìk, hetaùken Ala ba eberogoat hìpìrìk welagen ìlùk na'la eberegat welagì. Emakum hagona Loìt ho, hagosa Euaike ho, inetaùken Ala oba hìpìrìk welagaukwa hak, hat hetaùken atì'nogoat welagen ìlùk hùthagakì lagìat o.

EPESÙT 4:26

Hina'mage lagaike halok, weak hagatùp. Hina'mage ìlìgìk were'ma, Ibilit en hina'la kagalinogo ìlùk, o mo eileken kopok hogo kìgì'lek werek kolek, sagalogo lìogora'no o.

1 KORÌTÙT 14:20

Nerùgì nagaiya'lak. Wene hina'la ebetì lagep atì re, yekerùgì ina'la ebetarek hak ebetì logogùp. We, omalik ketago mene nen weak hagato inokot welagaikarek hak logolìk, hinetaùken inalùge inetaùken hake wurik hogo logoino.

1 KORÌTÙT 7:14

At he Ala a'logo mene nen, agùn etaùken Karìsùt oba hìpìrethìgì'lek mene, waganek eperak hano lapuk hogo welagaikarek atì ba, agwe nen agùn ebe Ala hesik hisìlì'logo. Nen, atì hak at ap Ala aput mene nen, agwe etaùken karìsùt oba hìpìrethìgì'lek mene waganek eperak hano lapuk hogo welagaikarek atì ba, agùn nen agwe ebe Ala hesik hisìlì'logoat. Atì'nogo inebe Ala hesik hisìgì'lek logoilepma re, hinagainapùrì inebe Ala meneat he, etakwe mene logoilep o.

ÙRÙM 11:28

It Isirael mene hano wene wanusak inabìt en Ala inom weak agaukwa atì, hit etakwe mene hanothinabuagalùk inom weak agaukwa. Mene re, Ala nen wenaginapikesi'mo nogo nen he, inapulak Ala inom hutik atì nen inebe etawì o.

ÙRÙM 11:16

Sùpùrùk horotì alebagìk mene Ala hisogoin halok he, ebe obogat he, Ala meneat o. Nen, e ero Ala hisogoin halok he, ekisok at meneat o.

LAKSASIKE 3:25

Ala nen wene wa'nisasike mene it ap alep at ane yogoisìkì lagaukwa mene amanogo nen yogoisìkì lagaukwa atì, hit hesigat o. Nen, Ala nen nit ninopalak wene warogo woginapike atì, hit hesigat o. At Ala nen Aberaham yogotì logolìk he, Hat en tagokwe mene atì ba apùnì kweangma mane yoma yì apùnì tì apùnì inùkùl etage lopok hanorinabigin o, ìlùk wene waresike.

LAKSASIKE 2:39

At Ala nen, Nareagùn wokhisegein, ìlùk wene wa'nisasike atì re, hit hinebe mel, hinagainapùrì mel, it aike inaua walegat mene atoma mel, hinebe ninopase Etagepogot Ala nen, We'ni o, ìlùk wahisìlì'logo mene hùgì, obogat hesik wene hirat wathisasike o,” ìlùk yogoisasike.

MAREKÙT 8:33

at Yesùt en agoromì ane wanhì lagaukwa mene aike amanogo epe hebek hogo eileken lagìsìlìk he, Peterùt mel ìlùk wenagasike: “Hat Ibilit hìgì. Ala a'la akikerek mene higit hogo ebetì'lek, we, apùnì nen akagarek hak ebetlì lagen yì riì! Hat hebe nelokoma yoma logogùn. Hela Ian o,” ìlùk wenagasike

MAREKÙT 3:5

Kamo isukwama re, at Yesùt eileken isìlìk lagaikesik he, a'la nen he: “Inoabùt lagai-lagorek yì rì!” ìlùk a'la kolo arìk a'mage lagasike. A'mage lagalìk inoba uarek he, ap a'nogo mel yogosike: “Heki kothan o,” ìlùk yogosikomo re, eki kothasikomo arat hano agaike.

MATÌÙT 5:3

“Apùnì ina'la nen he, An he, Ala eilhanem, ebe mene hesik nelageik welagì, ìlùk akagarek mene atì, Ala awe a'ma hisikere'ma atoma esewerek irat atì nen he, ina'la hai hakìkì logousak o.

MATÌÙT 5:10

Nen, apùnì nen Ala a'la akikerek mene esinethagarek mene hesik it aike nen weagarinapenem, Ala awe a'ma hisikere'ma atoma esewerek irat asugun atì nen he, ina'la hai hakìkì logousak o.

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

YOHANET 3:5

at Yesùt en he, mel isike: “Apùnì i ba mel, Ala Areagùn nen mel, taginapì'lek halok, Ala nen awe a'ma hisikere'ma atoma kugun motok lek o, ìlùk, nane eberogoat yogohetì lagì.