MAREKÙT 1:8 - Ala Ane Wene Ket Mene Warogo Wo'ninapike Wene

⁸ Nen, an nen, we, ima pelakhinapì lagì meneat he, at ebe wìrìk en he, ima pelakhinabu hak, Ala Areagùn hinoba pelakhei wesigin o,” ìlùk yogoisìkì lagaike.

MAREKÙT 1:8 ပူးပေါင်းရင်းမြစ်များ

MATÌÙT 3:11

Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.

MAREKÙT 1:7

Atìgìnhi logolìk, mel yogoisìkì lagaike: “An nebe yekerek nomame lek mene wagì yì, ap kain omame apik mene hobuk wesigin o. At ebe kain omame apik atì nen he, at esok agùt yelik mene an nen neitep awì yakhìlìk en hikalusak he, mea o.

MAREKÙT 1:9

At Yohanet en wene atì'nogo yogoisikenem he, Yesùt o Kalilea tokwe etage Nasaret en oba pisikomo re, i Yoretan ima pelapike.

LUKAT 3:16

at Yohanet en mel yogoisasike: “An nebe yekerek nomame lek mene nen, we, ima nek pelakhinapì lagi o. Mene re, at aike kain omame apik mene hobuk wesigin o. At ebe wìrìk he, at en ima pelakhinabu hak, Ala Areagùn inom, etu inom, hinoba pelakhei wesigin o. At ebe kain omame apik atì nen he, esok hele homago mene, an nebe yeherek mene nen hikalusak he, mea o.

YOHANET 1:26

at Yohanet en he, mel yogoisasike: “An nen apùnì we ima pelaginapì lagì meneat he, ap aike hit on ebe hùthìgì'lek mene hinekele'ma metek werek o.

YOHANET 1:33

Atì sat he, at ebe sa heat an nokot welagì meneat he, Ala nen an apùnì we imaat pelaginapì logouagalùk lakhani wagaike mene a'nogo nen yogonetì logolìk he, mel yogonesike: An Nareagùn ap aike ot oba labok i pi wìrìk were'ma heileken hegen halok he, at atì nen apùnì ima pelaginabu hak, Nareagùn inoba pelabi waga logogin o, ìlùk, yogonesikesi'mo nogo nen he,

LAKSASIKE 10:45

Atì'nogo pi wagaikomo, it apùnì inogat inekalìma mene palek logolìk wene eberogoat ìlùk wanhukwa mene aike Peterùt inom wagaukwasik were'ma, Ala nen Areagùn atì'nogo it etakwe mene inoba pelakhei wagaikomo, helasukwasik, wene it aike inane inokot mene ba elalinat ìgìk, Ala hogoratìk, ikenem, ineileken hìgìk, inasuk holhìk, isukwasik he, mel isukwa: “Ala nen Areagùn it apùnì etakwe mene elogat wogisikomo hìgì. Nayùk e,” ìlùk hogorasukwa. Atì'nogo hogorasukwama, at Peterùt en he, mel yogoisasike:

LAKSASIKE 2:17

At en he, mel isike: At Ala nen ìkì logolìk he, O wùrep oba an Nareagùn atì, hùkorogoat apùnì obogat inoba pelakhei wesigin o. Pelakhei waganem he, hinagainapùrì elege yekerùgì mel, hìmì hìlìmìkìrùgì mel, it en an nane apùnì yogoisìgìk, hinagoromì elege nen inabìkakan hìgìk, hinopaselak yamanùgwì nen inabì hìgìk, ìkì logogun o.

LAKSASIKE 2:4

Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

1 KORÌTÙT 12:13

Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.