MAREKÙT 1:5 - Ala Ane Wene Ket Mene Warogo Wo'ninapike Wene

⁵ Atì'nogo yogoisikenem he, it apùnì o propinsi Yurea aike obogat mene inom, o kota Yerusalem mene inebe obogat inom, at oba atogosi waga lagaukwa. Atogosi wìrìk he, yì weak tì weak hagatì lagaukwa mene hukalogo heraksikenem, at en i Yoretan ima pelaginapi lagaike.

MAREKÙT 1:5 ပူးပေါင်းရင်းမြစ်များ

MATÌÙT 4:25

Atì'nogo hagarìnapo kolek he, apùnì obogat o Kalilea nen, o kota 10 atoma nen, Yerusalem en, Yurea nen, i Yoretan aik ìlì bakwe atoma nen, inebe motok apik wìrìk he, Yesùt opolik nìkì lagaukwa.

MAREKÙT 1:4

Wene helal waganek werek atì higit hogoat, at Yohanet ebe o leimo apùnì le'ma wagaike atì. Wagaikesik he, ima pelaginapìk, wene yogoisìgìk, ìkì logolìk, mel ìkì lagaike: “Wene hinoba mene Ala nen sagalogo legetsoagalùk he, hit weak hagatì lagep mene atì heraksìlìk hinoabùt hebela'ni. Hinoabùt hebelasumo, an nen ima pelakhinapì logogin o,” ìlùk yogoisìkì lagaike.

MAREKÙT 1:6

Atoma pelaginapo logolìk warn unta esi mene ìkogo asu laberìgìk, ogat mene nokologo agauak hagarogo pagaluk ikìgìk, ìkì lagaike. Atì'nogo ìkì logolìk, apùrùk pulue mene nìkìk, kin amusu ekama mene nìkìk, ìkì lagaike.

YOHANET 1:28

Wene atì'nogo isukwa atì re, at Yohanet en apùnì i Yoretan aik ìlì bakwe, ima pelaginapì lagaìke ba, o etage Petania logolìk en isukwa.

YOHANET 3:23

Atì'nogo hagatì lagaukwa atem sat he, Yohanet eki hele warogo o ineki hele warek hisagarek oba oan kelakhìgì'le'ma logolìk he, o etage Ainon o Salim era'lu atoma i apik atì nen apùnì ima pelaginabuagalùk, oba waganem he, ima pelaginapì lagaikeat.

YOHANET 5:35

At Yohanet atì ebe re, esage kìalogo hikenem yararathikerek hak were'ma, hit en he, Esage yarogo ninoba hìkì logouak, ìlùk, elama hesigat hina'la hai hakìkì lagagip atì,

LAKSASIKE 19:18

Nen, it apùnì inetaùken Yesùt oba hìpìrethesukwa mene hùgì inebe wìrìk he, weak hagatì lagaukwa mene apùnì logolek ineilhanem hukalhì lagaukwa.

LAKSASIKE 2:38

Atì'nogo yogoisasukwama, at Peterùt en he, “Weak hagatì lagep mene atì heraksìlìk hinoabùt hebela'ni o. Atì'nogo hebelasumo re, weak hagatì lagep mene atì, Ala nen sagalogo legetsoagalùk hinebe lopok Yesùt Karìsùt etage palogo ima pelakhinabuak. Atì'nogo hagasumo re, Ala Areagùn atì wokhisegein o.

YAKOBÙT 5:16

Atì'nogo hagasigin atì nen, hit aike hinoba ou mene se asuageip en he, weak hagatep mene hit-hit hukal-hukal ìkì logolìk sapan ìkì logoino o. It apùnì Ala a'la walok akikerek mene higit hogo hagatarek mene nen sapan eberogoat ning hogo ugun atì, omame apik were'ma re, Ala nen hagarinabiginat o.