MAREKÙT 1:45 - Ala Ane Wene Ket Mene Warogo Wo'ninapike Wene

⁴⁵ Atì'nogo yogosike meneat he, at a'nogo nen apùnì yùgùnat yogoisìkì logolìk he: “Yì'nogo haga'nape o,” ìlùk abok hano wìagararìk lagaike atì nen he, at Yesùt o kota ya ta atoma kìlìk ebe weinam hogo nìkì logousak mea agaikomo re, leimo apùnì le'ma lagaikesik welagaike. Atì'nogo welagaike meneat he, apùnì o ya ta atoma nen oba atogosi waga lagaukwa.

MAREKÙT 1:45 ပူးပေါင်းရင်းမြစ်များ

MAREKÙT 2:13

Atì'nogo haga'lùk hobuk he, at Yesùt i yekelek a'nogo esakoma lagaike. Laganem he, apùnì logolek at oba atogosi lagaukwama re, wene yakùlisasike.

MATÌÙT 9:31

Atì'nogo yogoisasike meneat he, it apùnì amanogo nen o atoma at abok motok yogoisìlìk nìkì lagaukwa.

YOHANET 6:2

I aik ìlì bakwe wùlùpenem he, alebat apùnì inoba ou mene elalinat hagarinapenem ineileken hasukwasi'mo nogo nen he, apùnì inebe apigat esa logolhìlùk, at opolik lagaukwa.

MAREKÙT 3:7

Atì'nogo haga'lùk, hobuk, at Yesùt agoromì ane wanhì lagaukwa mene amanogo inomat he, i Kalilea yekelek a'nogo esakoma lagaukwa. Lagaukwama re, apùnì nen he, “Yesùt yì'nogo hagarì'logo, tì'nogo hagarì'logo,” ìlùk abok ikenem, it apùnì o Kalilea tokwe mene logolegat inasuk holìlùk inopolik inopolik laganem, it apùnì o Yurea tokwe mene mel, o Yerusalem mene mel, o Irumea tokwe mene mel, o i Yoretan aik ìlì ba mene mel, o Tìrùt Siron mene mel, Yesùt oba atogosukwa.

MATÌÙT 28:15

it ap tentara mene uang amanogo helasukwasik he, it ap amanogo nen isukwa higit hogoat hagasukwa. Wene atì'nogo wiagathesukwama nen, it apùnì Yahurì mene nen he, yogotak hùlì ikoat werek o.

TITUT 1:10

It apùnì aike logolegat ebe wene hologo higit hogo hagatì'lek hagarì'lùgì atì. Atì'nogo hagarì'lùgì atì, inebe hùkokwe re, it Yahuri inogat inekalìma mene palek mene, hano wene wanhukwasik enat he, hobuk ebe wene le'maat, we, tùlemat apùnì inawene mene ìkì logolìk, it aike lalinabì'lùgì atì.

MATÌÙT 9:26

Atì'nogo hagasikomo re, “Yesùt en hagate o,” ìlùk, o tokwe atoma abok motok sak-pak isike.

MAREKÙT 3:20

Atì'nogo menhisalùk apotkwe aua pi wagaikomo re, apùnì logolegat hobuk oba atogosi wagaukwama re, Yesùt agoromì inom inapùrùk nìkì'nogo na heat haga'lagaike.

MAREKÙT 7:36

Ane hano agaikomo re, at Yesùt en apùnì amanogo yogoisìkì logolìk he: “Hit en apùnì aike motok yogoisagùp o,” ìlùk inasuk hobugalep wato kolegat he, it en hobuk inane ebenageik hùkorogo yogoisìkì lagaukwa.