MAREKÙT 1:39 - Ala Ane Wene Ket Mene Warogo Wo'ninapike Wene

³⁹ Yogoisasikesik he, o Kalilea tokwe apùnì Yahuri mene sapan egarek obakwe kìlìk he, wene hano wene a'nogo yogoisìgìk, mokareke inoabùt weak mene apùnì ina'la kìlìk were'ma henogo wulaksìgìk, ìlùk laga lagaike.

MAREKÙT 1:39 ပူးပေါင်းရင်းမြစ်များ

MATÌÙT 4:23

Lagaukwama re, at Yesùt o Kalilea tokwe o lopok atoma nìkì logolìk, apùnì Yahurì mene sapan egarek obakwe kìlìk he, wene hano wene hobuk ninopase Etagepogot awe a'ma hinegein a'nogo wene yogoisìgìk, yì ou tì ou hagarìnapik, ìkì lagaike.

MATÌÙT 9:35

At Yesùt o sili hùkokwe, hamùlùkkwe, ya kìgìk, ta kìgìk, nìkì logolìk, o sapan egarek obakwe kìlìk he, hano wene ninopase Ala nen awe a'ma hinikerek wene a'nogo yakùlisìgìk, yì ou tì ou inoba werek mene mel, inomame lek maben mene mel, hano hagarinapìk, ìlìk nìkì lagaike.

MAREKÙT 1:21

It amanogo Yesùt opolik lìlìk he, o Kaperenagùm kisukwa. Kisukwasik he, ineki sabìt oba Ala hesik welegat logolìk, o apùnì Yahuri mene sapan egarek oba kìlìk he, Yesùt en wene yakùlisasike.

MAREKÙT 1:23

Atì'nogo hogoratì lagaukwa atì sat he, ap aike mokareke oabùt weak mene a'la kisikomo welagaike mene, it apùnì Yahuri mene sapan egarek oba inoba kisike. Kìlìk he, ane hùkorogo mel isike:

MAREKÙT 1:38

Yogosukwama re, at en he, mel isike: “Ninera'lukwe o sili pokwe makwe yoma wene hano wene yogoisìlìk lagalùk wagì atì nen he, yogoisìlìk lùok en we'ni o,” ìlùk yogoisasike.

MAREKÙT 3:1

Hobuk he, at Yesùt o it apùnì Yahuri mene sapan egarek oba kisike. Kisike hak he, o atoma ap aike eki o'moko hapelek mene welagaike.

MAREKÙT 6:6

Hagarinapikesik he, it apùnì atoma mene nen at ebe ina'la meathesukwa atì hesik, at a'la nen, “Egi! nayùk e,” ìlùk akasikesik he, hobuk o atoma era'lukwe o wùrìkkwe wane yakùlisìlìk nìkì lagaike.

MAREKÙT 7:30

Atì'nogo yogosikomo, at he a'nogo aua lagaikesik kisike re, mokareke oabùt weak mene eak a'la nen henogo wùlìpikesi'mo re, nogo ikerek oba weitek hano were'ma ha lagaika.

LUKAT 4:41

Atì'nogo hagarinapikomo, it he'nakit inebe logolegat, mokareke oabùt weak mene ina'la kìlìk welagaukwa mene nen mel yogosukwa: “Ala aput harat o,” ìlùk inane ngai ìlìk ìlìk wùlùpukwa meneat he, it ina'la nen he, “Karìsùt Ala nen, telninabuagalùk menhìlìk lakhei wesigin isike a'nogo ebe yìat o,” ìlùk, inelu nogo nen he, Yesùt en inane legat wùlùbuagalùk wenagisasike.