MAREKÙT 1:27 - Ala Ane Wene Ket Mene Warogo Wo'ninapike Wene

²⁷ Wùlìpikomo re, it apùnì amanogo nen mel isukwa: “At ane ike atì nìkìnìk. Wene atì ket hùnogoat wene esewerek en yakùlnisìlì'logo hìgì. At en mokareke oabùt weak mene wenagisikenem he, at ane inasuk hologo hagarì'lùgì atì nayùk e!” ìlùk hogorasukwa.

MAREKÙT 1:27 ပူးပေါင်းရင်းမြစ်များ

LUKAT 9:1

Atì'nogo yogoisìlìk he, at Yesùt en agoromì ane wanhì lagaukwa mene inebe 12 nen amanogo atogosi wesuagalùk waisasikomo wagaukwama re, it en yì mokareke tì mokareke oabùt weak mene apùnì ina'la kìlìk were'ma henogo wulaksìgìk, yì ou tì ou inoba werek halok hagarinapìk, ìlìk loagalùk he, omame wogisasikesik esewerek hagarinapìke.

MAREKÙT 7:37

Atì'nogo yogoisikenem he, it en apik hogoratì logolìk he, mel ìkì lagaukwa: “At en, yì mene tì mene hano nek hagatì logolìk, apùnì hagarinapenem he, inesako togùm mene huak ìlìk inasuk holhìk, inane lek mene inane hano agìk, ìlì'lùgì atì nayùk e!” ìlùk apik hogorasukwa.

MATÌÙT 15:31

Atì'nogo hagarìnapikomo re, it apùnì amanogo inane lek mene huak ìgìk, ineki inesok hapelek mene hano agìk, inesok wùt warek mene hano arìk kwe lagìk, ineileken mùm mene hano arìk lagisìgìk, ikenem ineileken hasukwasik he, “Egi! Nit apùnì Isirael mene ninopase Ala nayùk e,” ìlùk, hogorasukwa.

MATÌÙT 9:33

Wolok wagaukwama re, at Yesùt en mokareke oabùt weak mene ap a'nogo a'la kìlìk were'ma henogo wulaksasikomo, ap a'nogo ane huak hogo isike. Atì'nogo hagasikomo re, it apùnì apik welagaukwa mene nen Yesùt hogoratì logolìk he, mel isukwa: “Nit apùnì Isirael mene aike nen yì'nogo hagatenem nineileken hisogorek lek mene nayùk e,” ìlùk hogorasukwa.

LUKAT 4:36

Atì'nogo wùlùpenem he, apùnì apik amanogo inayùk agaukwasik he, it-it ìkì logolìk mel isukwa: “At ane ike atì nìkìnik. At en mokareke inoabùt weak mene, Wùlìbi lani, ìlùk usagat atì eseweregat logolìk, ane omamerogo wenagisikenem wùlùparek atì nayùk e,” ìlùk hogorasukwa.

MAREKÙT 10:32

Hobuk he, at Yesùt atì'nogo yogoisalùk, agoromì ane wanhì lagaukwa mene inom o Yerusalem puogolùk, kwe ebekalem pìkì logolìk he, at Yesùt kwe wanhikomo it agoromì amanogo inayùk arìk hogorasukwa. Nen, it apùnì aike inopolik pìkì logolìk inayùk agaukwaat. Atì'nogo inayùk arìk, pisukwa pisukwa it ap inebe 12 nen amanogo inalepma hek hogo wogisek pìkì logolìk, at en he, mel yogoisasike: “An hobuk yì'nogo haga'nabugun, tì'nogo haga'nabugun,” ìlùk yogoisìlìk pisike.

MAREKÙT 10:24

wene yogoisasike atì ba inayùk agaukwa. Inayùk agaukwama, at Yesùt en hobuk mel yogoisasike: “Nagoromì. Ala nen awe a'ma hisikere'ma atoma nìkì'nogo ku heat o.

MATÌÙT 8:9

An hogo re, nogogì kaintek inawe a'ma logolìk inane holhìk, nen, an nagoromì tentara mene nawe a'ma logolìk nane holhìk, hagatoresi'mo re, an nen, at aike Lan o, ìlùk yogotì halok he, lagaregat. Nen aike, Hat eme o, ìlùk yogotì halok he, wagaregat o. Nen, natitigeke aike, Yì haga'no, yogotì halok he, hagateregat o,” ìlùk yogosikomo

MAREKÙT 1:26

mokareke oabùt weak mene a'nogo ap a'nogo a'la nen Wùlìbigìlùk ìkì logolìk, ap a'nogo oak lei'leigethìkì logolìk ane wai ìlìk ìlìk wùlìpike.

MAREKÙT 1:28

Atì'nogo hogora'luk he, at Yesùt abok wolok o Kalilea tokwe ya ta atoma obogat hepok lagaukwa.

MAREKÙT 16:5

Hasukwasik, horok hogo wìrìk inebe kisukwa re, ap elege mene aike asu kut uan mene laberek ineki ebekwe higit hùrek were'ma ineileken hìlìk he, ina'maken lagaike.

MAREKÙT 16:6

Ina'maken lagaikomo, at ap elege a'nogo nen he, mel yogoisasike: “Hina'maken lagùp o. Yesùt aua o Nasaret mene e ba menhìlìk wata a'nogo herarìk wagep mene re, ebe yoma lek. Ala nen eluguthikomo werek o. Warek haga ba a'nogo obùlùk enek yì hineileken hìthani o.

LAKSASIKE 17:19

Atì'nogo isukwasik, it apùnì o Atena atoma inawìwerek mene obogat mel, ap pok mene atoma welagaukwa mene mel, inoabùt he, hùnogo mene hagatì'lek, we, wene kerat wolok waganem inasuk holhìk, wene ebe pìlìngìtìk, iko motok logou inamolo welagaikarek atì nen, Paùlùt ebe wolok he, apùnì o Areopagùt wene elùgùn watare'ma atoma atogotenem inoba wolok lagaukwasik he, mel yogosukwa: “Hat wene ket wolok wagatìk yakùlnisìkì lagen atì re, nit ninasuk holhì logolìk, hùnogoat mene akìkì lago atì nen, nit wene atì ebe kì'nogo mene, ìlùk tùkùm hogo ninelu asusak walogat,” ìlùk yogosukwa.