MAREKÙT 1:22 - Ala Ane Wene Ket Mene Warogo Wo'ninapike Wene

²² Yakùlisikenem he, it apùnì amanogo nen he, mel isukwa: “Ap Ala ane helal waganek esewerek mene nen yogonisagarek hake ìlì'logo lek o. We, at en he, wene ebe esewerek mene nen u hak ìlì'logo atì, nayùk e,” ìlùk hogorasukwa.

MAREKÙT 1:22 ပူးပေါင်းရင်းမြစ်များ

MATÌÙT 13:54

at okawerek aua ero ba lagaikesik, o apùnì Yahurì mene sapan egarek oba kìlìk wene yakùlisikenem, it apùnì inasuk holhukwa mene nen he, mel isukwa: “Egi! Nayùk e. Ap yì a'la motok kagalek atì, wene ka nen yakùlìlùk waga. Nen, yì mene tì mene elalinat hagarìk niko atì, koma nen yakùlhesik hagarìk niko.

YOHANET 7:46

it en he, mel yogoisasukwa: “Egi! Wene at en ìlì'logo atì hak he, it ap aike nen wene atì'nogo ikenem isogorek lek meneat he, at en wene hùnogoat ìlì'logo atì nen ebe hehogo o,” ìlùk, yogoisasukwama re,

LUKAT 4:32

Yakùlisìkì logolìk, wene ebe esewerek mene nen egarek hak ikenem en, it amanogo nen he, “Nayùk e!” ìlùk hogoratì lagaukwa.

2 KORÌTÙT 4:2

Nit he, apùnì nen yì mene tì mene hinagasogo weak hagataresik inekalì agarek atì mene heraksasugu. Atì'nogo heraksìlìk, apùnì lalinapìk, Ala ane wene aike mene oba labelogo yogoisìgìk, ogorek lek. Apùnì yoma ina'la lopok en hùthinoagalùk he, wene ebe wene Ala eilhanemat sele'maat yogoisìlìk nìkì lago.

LAKSASIKE 6:10

Atì'nogo wenagasukwa meneat he, at Sitepanùt Ala Areagùn a'la kìlìk logolìk, wene higirat kagauk hogo ikenem, it inane oko nìkì'nogo yogosu heat haga'lagaike.

MAREKÙT 1:23

Atì'nogo hogoratì lagaukwa atì sat he, ap aike mokareke oabùt weak mene a'la kisikomo welagaike mene, it apùnì Yahuri mene sapan egarek oba inoba kisike. Kìlìk he, ane hùkorogo mel isike:

LUKAT 2:47

Atì'nogo ìkì logolìk, it en hinok wanhenem, at wene motok elu logolìk oko yogoisasike atì nen he, it ap atogorek welagaukwa mene amanogo obogat ane inasuk holhukwasik he, “Nayùk e!” ìlùk hogorasukwa.