MAREKÙT 1:21 - Ala Ane Wene Ket Mene Warogo Wo'ninapike Wene

²¹ It amanogo Yesùt opolik lìlìk he, o Kaperenagùm kisukwa. Kisukwasik he, ineki sabìt oba Ala hesik welegat logolìk, o apùnì Yahuri mene sapan egarek oba kìlìk he, Yesùt en wene yakùlisasike.

MAREKÙT 1:21 ပူးပေါင်းရင်းမြစ်များ

MAREKÙT 6:2

Lagaukwasik he, ineki sabìt Oba Ala hesik welegat logolìk he, o apùnì Yahuri mene sapan egarek oba inebe logolegat were'ma inoba kìlìk, wene yakùlisasike. Yakùlisikenem, it inebe logolegat amanogo nen he, mel isukwa: “Egi! Nayùk e. Ap yì atì'nogo hagarìk niko atì re, koma nen yakùlhesik hagarì'logo. A'la motok kagalek atì, wene nena wene a'la logolìk yogonisìlì'logo. Eki hagisikenem elalinat hagarinabì'logo atì, nìkì'nogo hagarinabì'logo.

MAREKÙT 1:39

Yogoisasikesik he, o Kalilea tokwe apùnì Yahuri mene sapan egarek obakwe kìlìk he, wene hano wene a'nogo yogoisìgìk, mokareke inoabùt weak mene apùnì ina'la kìlìk were'ma henogo wulaksìgìk, ìlùk laga lagaike.

MATÌÙT 4:23

Lagaukwama re, at Yesùt o Kalilea tokwe o lopok atoma nìkì logolìk, apùnì Yahurì mene sapan egarek obakwe kìlìk he, wene hano wene hobuk ninopase Etagepogot awe a'ma hinegein a'nogo wene yogoisìgìk, yì ou tì ou hagarìnapik, ìkì lagaike.

LAKSASIKE 17:2

Atì'nogo wùrìk were'ma, at Paùlùt o sapan egarek oba wùrìk werek halok kìkì lagaike hagat inoba kisike. Kìlìk he, minggu 3 ba sapan atoma ìkì logolìk, wene Ala ane helal waganek a'nogo ba ina'la kagalogo hinok wogisikenem it en oko yogotìk, ìkì lagaukwa.

LAKSASIKE 18:4

Atì'nogo kato inom logolìk, ninhùp-nanhùp Ala hesik ineki welegat logolìk sapan uogolùk ikenem, o apùnì Yahuri mene sapan ìkì lagaukwa ba kìlìk he, it apùnì Yahuri mene lek, Yunani mene lek, Yesùt ane wanuagalùk ina'la kagalhì lagaike.

MATÌÙT 4:13

Lagai wagaikesik, a kota Nasaret a'nogo hebùlùk he, o kota Kaperenagùm i Kalilea yekelek esakoma, it ap inùkùl etage Sepulon mene ho, Naptali mene ho, inaua atoma logoigìlùk lagai wagaike.

LUKAT 13:10

Atì'nogo yogoisìlìk logolìk, ineki sabìt oba aike Ala hesik welegat logolìk, at Yesùt o apùnì Yahuri mene sapan egarek oba aike kìlìk wene yakùlisiko were'ma re,

LUKAT 10:15

Nen, hit apùnì o Kaperenagùm mene yì hina'la nen he, Ala nen pogot oba lìakhinìlìk esinethinegein, ìlùk hogorakìkì lagep a? Motok lek o. We, apùnì wa'la'lùk lagaikare'ma atoma motok pelakhikegein o,” ìlùk yogoisasike.

LUKAT 4:16

Atì'nogo hogorato kolek, at Yesùt o Nasaret ebe alùge agaike ba lagaike. Lagaikesik, at hagatì lagaike hagat, ineki sabìt oba Ala hesik welegat logolìk, sapan uogolùk o apùnì Yahuri mene sapan egarek oba kisikesik, Ala ane helal waganek mene etage salhì logolìk yakùlisagalùk melagaike.

MAREKÙT 10:1

At Yesùt en wene atì'nogo yogoisalùk, o atoma hebùlùk, o Yurea pisikesik, i Yoretan aik ìlì bakwe wùlìpike. Wùlìpikomo re, apùnì logolegat hobuk at oba atogosi wagaukwama re, wene ninhùp-nanhùp yakùlisìkì lagaike hagat yakùlisasike.

MAREKÙT 2:1

At Yesùt eki hamùlùgat o atoma welagaikesik he, hobuk o Kaperenagùm ki wagaike. Ki wagaikesik, ouma kisikomore, apùnì nen he: “At ebe ouma werek o,” ìlùk ikenem inasuk holhukwa.

MAREKÙT 1:20

Eileken lagisìlìk he, aremnogoat waisasike. Waisasikomo re, inopase inom ap oko wogisagalùk inayoko hesike mene inom, so a'la hisalùk he, Yesùt opoligat lagaukwa.

MAREKÙT 1:29

At Yesùt ho, Yakobùt Yohanet eperak ho, agoromì aike inom, o apùnì Yahuri mene sapan egarek oba nen wùlìbi wagaukwasik he, Simon ho, Atereat ho, inaua lagaukwa.

MAREKÙT 1:33

Waga kolek he, apùnì aike o atoma mene obogat he, olilu atogosi wagaukwaat.

MAREKÙT 3:1

Hobuk he, at Yesùt o it apùnì Yahuri mene sapan egarek oba kisike. Kisike hak he, o atoma ap aike eki o'moko hapelek mene welagaike.

LUKAT 4:23

Atì'nogo hogorasukwama, at Yesùt en he, mel yogoisasike: “Apùnì nen, ninhùp-nanhùbat ìkì logolìk, Hat hebe ap loktet hake aroma re, hoba ou atì hokawerek en hagaran o, ìlùk egarek mene, hit en lagak hogo an yogonesugun hìgì. Atì'nogo yogonerik he, O Kaperenagùm hagatì lagen mene holhì lago atì hak he, yogotak hokawerek haua yoma atì'nogoat aike hagasin o, ìlùk, yogonesuogolùk ìkì lagep hìgì,” ìlùk atì'nogo yogoisìlìk aike mel yogoisasike: