MAREKÙT 1:15 - Ala Ane Wene Ket Mene Warogo Wo'ninapike Wene

¹⁵ Yogoisìkì logolìk he, mel ìkì lagaike: “O Ala awe a'ma hikegein a'nogo arat hikegein o. Halok he, hit weak hagatì lagep mene heraksìlìk hinoabùt hebelogo hano wene yì eberogoat ìlùk hùtheni o,” ìlùk yogoisìlìk nìkì lagaike.

MAREKÙT 1:15 ပူးပေါင်းရင်းမြစ်များ

MATÌÙT 10:7

Laga logolìk he, mel yogoisìlìk lano o: Ninopase Ala pogot oba mene nen awe a'ma hinegein a'nogo yogotak arat hinegein o, ìlùk, yogoisìlìk lano o.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

MATÌÙT 4:17

Lagai wagaikesik logolìk, hùlì atì hùlì nen, apùnì atoma yogoisìkì logolìk he, “Kain pogot oba mene nen awe a'ma hikegein a'nogo yogotak arat awe a'ma hikegein o. Halok he, weak hagatì lagep mene heraksìlìk hinoabùt hebela'ni o,” ìlùk yogoisìlìk nìkì lagaike.

LUKAT 10:11

Nit hit hinaua logolìk kweang alolongeke ninesok oba labulaga mene yì, hit weak ìlùk hineilhanem horogo potsogo yì. Hina'la nen, Ala awe a'ma hinegein a'nogo yogotak arat hinegein, ìlùk, hanorogo hùthìkì logoino, ìlùk yogoisano.

LUKAT 10:9

O kota atoma logolìk, it aike inoba ou werek halok, hit en hagarinapì logolìk he, Ala nen awe a'ma hinegein a'nogo yogotak arat hikegein o, ìlùk yogoisìkì logoino.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

ÙRÙM 16:26

Atì re, it ap at ane yogoisìkì lagaukwa mene amanogo nen helal waganogo re, sele'mathesukwama were'ma an nen yogohisasigi atì. Yì ap tì ap inùkùl etage lopok obogat wene atì inasuk holìk inetauken Yesùt oba hìpìrethìlìk ane hologo hagatì logouagalùk, at Ala esok motok welagarek mene a'nogo nenat: “Wene yì apùnì inelu asuak o,” ìlùk isike.

KALATIA 4:4

Were'ma re, at Ala nen aput ayoko hìlìk kweangma lakhei wesusak arat higit asi wagaikomo re, lakhei wagaikomo, he kweangma mene nenat tasike. Atì'nogo tasikomo, wene Ala nen ninasuk wasike wene a'nogo awe a'ma logolìk asuk hologo hagatì lagaike.

EPESÙT 1:10

Wene at a'la hinago welagaike atì ebe re, hobuk haga'lasusak oba haga'lasi laganem, at en yì mene tì mene pogot oba welagarek mene inom, kweangma welagarek mene inom, obogat lapuk hogo Karisùt aligat awe a'ma hisegein mene hesik abok yogonisasike atìat o.

1 TIMOTÌÙT 2:6

At Karìsùt apùnì obogat weak hagatorek atì ba hele warogo ha'nisek were'ma hele hikalogo telninabigìlùk okawerek eram en, “Nebe noasuak” ìlùk wagaike atì ba, Ala a'la nen he: “Apùnì obogat telinabuaak,” ìlùk akikerek mene atì, enagat asusak higit hogoat enagat agaike atì.

TITUT 1:3

Yogotak wene atì weinam asusak higit hogoat weinam asuagalùk, at Ala telninapùkwe a'nogo nen, “Hat en wene atì apùnì yogoisìkì logoino,” ìlùk, nayoko hìlìk, noba hesike atì ba ebe weinam arì'logo atì.