MAREKÙT 1:14 - Ala Ane Wene Ket Mene Warogo Wo'ninapike Wene

¹⁴ Hobuk he, Yohanet a'nogo eki hele wasukwasi'mo re, at Yesùt o Kalilea tokwe lagai wìrìk he, Ala ane hano wene a'nogo yogoisìlìk nìkì lagaike.

MAREKÙT 1:14 ပူးပေါင်းရင်းမြစ်များ

MATÌÙT 4:23

Lagaukwama re, at Yesùt o Kalilea tokwe o lopok atoma nìkì logolìk, apùnì Yahurì mene sapan egarek obakwe kìlìk he, wene hano wene hobuk ninopase Etagepogot awe a'ma hinegein a'nogo wene yogoisìgìk, yì ou tì ou hagarìnapik, ìkì lagaike.

MATÌÙT 4:12

“At Yohanet a'nogo eki hele watama,” ìlùk isukwama, at Yesùt esuk holhìkesik he, o Kalilea tokwe lagai wagaike.

EPESÙT 2:17

At Yesùt en atì'nogo wo'nisek wagaikomo re, o'moko mene, o'moko mene ninom, at Ala Areagùn omakeat atì ba ninopase Ala oba kusak elogat haga'lagaike, ìlùk, Yesùt ebe alebat wagaikesik, “Hinom lapuk hogo hikìgi o,” ìlùk, wene hano wene hit etakwe mene walegat were'ma yogohisìgìk, nit apùnì Yahuri mene horogat were'ma yogonisìgìk, i wagaike atì.

LUKAT 8:1

At Yesùt atì'nogo hagasikesik he, welagì'legat, hobuk Ala awe a'ma hisikerek wene a'nogo, o sili hùkokwe hamùlùkkwe yogoisìlìk nìkì lagaike. Yogoisìlìk nìkì logolìk, at agoromì mene inebe 12 en amanogo mel,

LAKSASIKE 28:23

Atì'nogo yogosukwasik, “Nit nineki tì ba nen hobuk hoba wesugun o,” ìlùk wene waresukwa. Wene warerìk he, ineki atì ba inebe hùkokwe, o Paùlùt welagaike ba oba wagaukwa. Wagaukwama, ohealek en pìkìt hùako wene Ala awe a'ma hisikerek wene a'nogo yogoisikoat welagaike. Yogosìkì logolìk, it en Yesùt hagasike wene atì eberogoat ìlùk hùthoagalùk, wene Ala nen ninasuk wasike wene Musa nen helal waganogo hesike a'nogo ba mel, ap aike Ala ane yogoisìkì lagaukwa mene nen helal waganogo hesukwa a'nogo ba mel, inasuk watì lagaike.

MATÌÙT 9:35

At Yesùt o sili hùkokwe, hamùlùkkwe, ya kìgìk, ta kìgìk, nìkì logolìk, o sapan egarek obakwe kìlìk he, hano wene ninopase Ala nen awe a'ma hinikerek wene a'nogo yakùlisìgìk, yì ou tì ou inoba werek mene mel, inomame lek maben mene mel, hano hagarinapìk, ìlìk nìkì lagaike.

LAKSASIKE 20:25

“An hit nerùgì nagaiya'lak obogat wene Ala awe a'ma kìlìk logogun atì wene yogohisìlìk nìkì lagì atì re, hùlì yogotak yì ba nen he, hit en hobuk nelokoken hineileken neogoin lek o, ìlùk an nelu.

MATÌÙT 14:2

at agoromì mel yogoisasike: “Yohanet ima pegalinapì lagaike mene ebe watìma wa'laga a'nogo hobuk eluk agasik atì nen he, hagasusak lek mene elalinat hagarìk niko atì,” ìlùk ebe Yesùt hagatì lagaike meneat isike atì.

LUKAT 3:20

at Herotet a'nogo weak hagarìk waga lagaikesik he, hobuk oba louk hogo, Yohanet ebe eki hele warogo re, o apùnì ineki hele warogo hisagarek oba kelakhesike.

MATÌÙT 11:2

At Yohanet ima pelaginapì lagaike mene a'nogo eki hele warek were'ma, apùnì nen he, “Karìsùt tì'nogo hagarì'logo,” ìlùk ikenem asuk holhikesik he, at agoromì ane wanhì lagaukwa mene Yesùt oba hinok wanuagalùk laksa wagaike.

MATÌÙT 4:17

Lagai wagaikesik logolìk, hùlì atì hùlì nen, apùnì atoma yogoisìkì logolìk he, “Kain pogot oba mene nen awe a'ma hikegein a'nogo yogotak arat awe a'ma hikegein o. Halok he, weak hagatì lagep mene heraksìlìk hinoabùt hebela'ni o,” ìlùk yogoisìlìk nìkì lagaike.

ÙRÙM 1:1

Hit Ala againapùrì o Ùrùm welagep mene nerùgì nagaiya'lak. At Ala hinebe etawì mene obogat an Paùlùt Karìsùt Yesùt atitigeke mene a'nogo nen wene helal waganogo hinoba lakhei wagì atì o. An nen hano wene a'nogo apùnì yogoisìlìk nìkì logouagalùk, Ala nen wenagasogo menhanhikesik lakhani wagaike o.