LUKAT 9:51 - Ala Ane Wene Ket Mene Warogo Wo'ninapike Wene

⁵¹ Atì'nogo yogoisìlìk he, at Yesùt ebe Ala nen pogot oba lìakhousak arat higit asi wagaikomo re, at a'la nen, O Yerusalem pigin, ìlùk ning hogo wenesùgì lakhìlìk he, kwe wanhìke.

LUKAT 9:51 ပူးပေါင်းရင်းမြစ်များ

MAREKÙT 16:19

Wene atì'nogo arat yogoisasikomo re, at Ala nen Yesùt ebe pogot oba wolok lagasike. Atì'nogo wolok lagasikomo era'lu eki ebekwe kain welagarek.

LUKAT 18:31

At Yesùt en wene atì'nogo yogoisalùk he, agoromì inebe 12 nen amanogo wogisek he, inalepma kek hogo lìlìk mel yogoisasike: “Nagoromì. Nit yogotak o Yerusalem pìkì lago. Arat pìlì'mo nen he, it ap alep Ala ane yogoisìkì lagaukwa mene amanogo nen, an abat ta'lasi wagagi a'nogo hobuk haga'nabugun mene helal waganogo hesukwa mene higit hogoat haga'nabugun o.

LUKAT 13:22

Atì'nogo yogoisalùk he, hobuk at Yesùt o Yerusalem pìkì logolìk, o sili hùkoma kìgìk, hamùlù'mo kìgìk, wene yakùlisìlìk pisike.

LUKAT 17:11

Hobuk ineki aike sapùl he, at Yesùt o Yerusalem pìkì logolìk, o Samaria pelakhìgìk, o Kalilea lìakhìgìk, tùlemkwe pisike.

1 PETERÙT 3:22

At ebe eluk agaikesik he, pogot oba lagasikesik, Ala era'lu kain logolìk, malaikat Ala nen yoko pelaksa wagarek mene amanogo mel, inogogì kaintek mene mel, inomame apik mene mel, hagisek welagarek o.

IBERANI 12:2

Atì'nogo laga logolìk, emakum ninetaùken Yesùt oba hìpìrethouagalùk, at enat nina'la kagalhìk, hùlì elùgù oba hano katok hogo motok asi loagalùk, at enat se'nisek welagìk, ikerek atì nen he, arat nit nineileken nen wolok musok laga logouok o. At a'la nen he, “Inekalì warogo inebe e ba menhisìlìk inoatarek atì hak, an atì'nogo noasu nekalì,” ìlùk akìgì'lek, we, “An hobuk na'la hai hakegein,” ìlùk at ebe wato kolek epe morogo wa'lagaikesik en, hobuk eluk agaikesik yogotak Ala kain welagarek oba atoma era'lu kainat werek.

IBERANI 6:20

At Yesùt nit hesik kwe ebela yarìk, o atoma kisikesik, ap Melekiserek Ala esewerek logolìk hagatì lagaike atì hak, moto'-motok hagatì logogin mene Ala esewerek kain agaikesik welagarek atì.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

LAKSASIKE 1:9

Wene atì'nogo arat yogoisasikomo, Ala nen at ebe pogot oba lìakhikenem, ineileken werek kolegat ohena nen salhikomo re, ineileken hobuk hìgì'lek.

LAKSASIKE 1:2

at opase nen ebe pogot oba lìakesike atì hùlì, helal waganogo lakhei wagagi atì. At ebe pogot oba oan lìakhìgì'lek werek kolek, at agoromì inebe weteberogo inayoko hìlìk laksagalùk isike mene amanogo Ala Areagùn omame ba inasuk wasike.

YOHANET 17:11

Yogotak an he, kweangma yoma aregenma logogin lek o. We, hat hea wesigin meneat he, it enek he, kweangma yoma logogun o. Hat weak hagatì'lek tegelek motok welagatek mene, nopase. Nit neperak ninebe omakeat welagorek a'nogo hak, it atì'nogoat inebe omakeat logouak en he, hat hetage esin mene an salnapigin atì ba, it hagisek logoino o, nopase.

YOHANET 16:28

An nebe Ala were'ma nen apùnì kweangma mene inoba pi wagagi meneat he, yogotak it kweangma yoma hisalùk nopase oba napotkwe lagagin o,” ìlùk yogoisasikomo,

YOHANET 16:5

hobuk, at an nebe lakhani wagaike mene a'nogo oba legein meneat he, hit aike nen, Noe. Hat o koma legein, ìlùk noba hinok wo'nììkì lagep motok lek o.

YOHANET 13:1

Nen, hùenkwe pesta Paskah a'nogo mene nùogolùk logolìk, at Yesùt en, “An apùnì o kweangma yoma hisalak nopase oba napotkwe lagagin atì arat hakok i waga,” ìlùk, at elu welagaike. Nen, at okawerek agoromì kweangma mene etaùken hutik welagaikesik, hobuk inebe abìt agì'lek etaùken hutik motogat welagaike.

YOHANET 6:62

An abat ta'lasi wagagi a'nogo alep welagagi ba hobuk napotkwe lagaikenem hineileken nììlìk, hina'la nìkì'nogo akogoin.

LUKAT 24:51

Atì'nogo hai warinapo kolek aremnogoat he, it atem werek kolek, Ala nen, at ebe hapok hogo wolok pogot oba lagasike.

LUKAT 19:28

Wene atì'nogo arat yogoisalùk he, apùnì amanogo oan werek kolek, at Yesùt ebe ebalebagìk, o Yerusalem lagasike.

LUKAT 19:11

At Yesùt en atì'nogo yogoisasikesik, inasuk holek werek kolegat, o Yerusalem arat horok hogo asi lagaukwasik en he, it apùnì amanogo ina'la nen mel akasukwa: “Ala nen awe a'ma hinegein atì yogotak yaat hinikenem nineileken hogoin o,” ìlùk ina'la akasukwa atì nen he, at Yesùt en wene aike oba lìrogo mel yogoisasike:

LUKAT 12:50

Apùnì yoma ima pelaksìlì'lùgì hake, an yì aik tì aik haga'nabugun mene re, oan werek kolek, na'la weak welagì.

PILIPI 3:14

Atì hela lagalùk wene omakeat mene yìat hagatì lagì. Atì ebe re, alep hagatì lagagi mene, nepe hebelarìk, napotma heraksalùk he, hobuk ket mene nelokoma werek mene atì hela lagalùk nomamerogo musok laga lagì. Karìsùt Yesùt neperak hutik were'ma, at Ala nen nayoko hìkì logolìk he, “Hano mene pogot oba mene wokhesigin,” ìlùk abok yogonesikomo, ebe hela lagalùk, sa awewerek sa awewerek humusek lagaikarek hak, nomamerogo musok laga lagì.

LUKAT 9:57

At Yesùt agoromì inom kwe laganem, at ap aike nen Yesùt yogotì logolìk, mel yogosike: “Noe. Hat komakwe lagen halok he, an hopolik motok nìkì logogin o,” ìlùk yogosike.