LUKAT 9:48 - Ala Ane Wene Ket Mene Warogo Wo'ninapike Wene

⁴⁸ it amanogo wene mel yogoisasike: “Hit hinekele'ma yoma at etage lek maben mene atìat ebe kain etagewerek asigin atì nen he, sa nen yekerek yì an hesik wanhe halok he, anat wo'nabigin o. Nen, sa nen an wo'napo halok he, at lakhani wagaike mene a'nogoat wanigin o,” ìlùk yogoisasike.

LUKAT 9:48 ပူးပေါင်းရင်းမြစ်များ

1 PETERÙT 5:6

Atì'nogoat, Ala nen hobuk hinetagewerek menhikoagalùk, yogotak ya hinokawerek en hogorakìgì'lek, at eki omame werek mene awe a'ma kìlìk hinetaùken seberogo hagatì logoino o.

LUKAT 22:26

hit en, atì'nogo hagasusak motok lek o. Halok he, hit mene aike nen he, An netagewerek logoile, akiko halok, hinagorat asuak o. Nen, An nen hagisek logoile, ìlùk akiko halok he, hinatitigekeat asuak o.

YOHANET 13:20

“At sa nen, apùnì an nen laksegein mene woginape halok he, anat wo'nabigin o. Nen, at sa nen an wo'nape halok he, at an lakhani wagaike mene a'nogoat wanigin o, ìlùk eberogoat yogohisìgì,” ìlùk yogoisasike.

LUKAT 10:16

Atì'nogo yogoisìlìk he, at agoromì ane wanhì lagaukwa mene amanogo mel yogoisasike: “It apùnì nen hit hinane holì'lùgì halok he, an naneat holì'lùgì o. Nen, Ninabìt, ìlùk herakhikaga halok he, anat herakhanha o. Nen, an herakhanha halok he, an lakhani wagaike mene a'nogo ebeat heraksaga o,” ìlùk atì'nogo yogoisìlìk he, laksasike.

ABÌKAKAN 3:21

“An arat nomame agagimo, nopase kain welagarek obùlùk oba neperak welago yì hak, sa nen omame asigin halok, an kain welagìrek nobùlùk oba neperak logouogolùk menhegein o,

1 TESALONIKA 4:8

Wene atì hit aike nen heraksìkì lagep halok he, nit apùnì ninane mene heraksìkì lagep hùk. Lek o. We, Ala nen Areagùn hit wokhisikerek mene a'nogo ane meneat heraksìkì lagep o.

YOHANET 14:21

At sa nen, an nen, yì'nogo hagatì logoino, tì'nogo hagatì logoino, ìlùk yogohisìgì mene atì, nane hologo hagaterek halok, an nebe awaken hutik mene at atìat o. Nen, nopase nen at atì ataùken hutigat. Nen, an nen at atì netaùken hutik logolìk, nebe hùthanuagalùk yakùlesigin o,” ìlùk yogoisasikomo,

LUKAT 7:28

Halok he, an nen wene aike yì yogohisak. Apùnì obogat inagosalak en taginabìk wagaukwa meneat he, inetage lek enek. Meneat he, Yohanet atì nek he, etagewerek o. Meneat he, Ala awe a'ma hisikere'ma atoma, at Yohanet etage lek negen meneat he, it apùnì aike inetage lek mene atì inetagewerek negenat o,” ìlùk yogoisasike.

MAREKÙT 9:37

“Sa nen yekerek yì hake mene omakeat aike an hesik wanhe halok he, an nebeat wo'nabigin o. Nen, sa nen an nebe wo'nabigin halok he, an nebe wo'nabigin hùk. Nopase lakhani wagaike mene a'nogo ebeat wanigin o,” ìlùk yogoisasike.

MATÌÙT 25:45

an nen he, Hit en apùnì aike inetage lek mene halolotsìkì lagagip atì re, anat halolothanhì lagagip o, ìlùk yogoisìlìk he,

MATÌÙT 25:40

an ap kain Netagepogot nogo nen he, it apùnì amanogo mel yogoisegein: Hit en an nagoromì inetage lek mene aike were'ma atì'nogo hagarinapì lagagip atì, anat haga'napì lagagip o, ìlùk, eberogoat yogohisìgì, ìlùk yogoisegein.

MATÌÙT 19:28

at Yesùt en he, “An nen eberogoat yogohisak. Hit an nopolik nìkì lagep mene yì re, yì mene tì mene Ala nen hobuk ket hùnogoat hagarì'mo nen, an abat ta'lasi wagagi a'nogo hobuk wìrìk, hogo'napo kolek, nobùlùk oba atoma kain were'ma, hit nera'lu atoma hinobùlùk 12 nen talek oba kainat logolìk, apùnì Isirael mene inùkùl etage 12 nen amanogo hit en ùkùm inoba hìgìk, kotìk, ìkì logogun o.

MATÌÙT 18:14

Atì hak he, hinopase pogot oba mene a'nogo nen he. Yekerùgì magatek atì hake omakeat aike nalasi lasak he, motok abìt o, ìlùk akikerek,” ìlùk yogoisasike.

MATÌÙT 18:10

Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

ABÌKAKAN 21:14

Nen, leget pa'leget wùrìk atì, obùle helep ebe 12 nenatma re, at Topa Eak en inebe 12 nenat wenagasogo inayoko hìlìk laksasike mene amanogo inetage helal waganek welaga hìgì.