LUKAT 9:44 - Ala Ane Wene Ket Mene Warogo Wo'ninapike Wene

⁴⁴ “An wene yogohisegein yì hanorogo hùthìkì logoni o. An abat ta'lasi wagagi a'nogo ap en yoko lìlìk it aike nen noasuagalùk ineki ba hanugun o,” ìlùk yogoisasike meneat he,

LUKAT 9:44 ပူးပေါင်းရင်းမြစ်များ

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

LUKAT 9:22

Inasuk atì'nogo wasikesik he: “An abat ta'lasi wagagi a'nogo, it ap inalùgetek mel, it ap Ala esewerek mene inogogi kaintek mel, Ala ane helal waganek esewerek mene mel, inom en, an nebe inabìt arìk, yì aik tì aik apigat haga'nabìk, nebe noasugun o. Noasumo re, nebe neki pìre warek logopik, aike nen he, Ala nen nelugu'nabigin o,” ìlùk, yogoisasike.

IBERANI 2:1

Atì nenat, apùnì i so ba laganem i nen wogisek lagarek atì hak, nit ebe wene atì heraksamo wele'ma wo'nisek lanogo ìlùk, wene ninasuk holhugu mene atì ning hogo hesogo logouok o.

LUKAT 2:19

Meneat he, at he Maria a'nogo nek he, wene isukwa mene amanogo etaùkenma wanhikesik he, wenesùgì ebetì lagaike.

YOHANET 19:11

at Yesùt en he, mel yogosike: “At Ala men he, Hat en ùkùm apùnì inoba hìgìk, kotìk, ìkì logoino, ìlùk hat esewerek hageilep le'ma re, hat en ùkùm noba housak meaat o. Atì nen he, Hat weak hagaten, ìlùk ùkùm hoba hamùlùgat negen werek meneat he, at aike nen an nebe waganogo hat heki ba hani waga mene atì nek he, weak hagate, ìlùk ùkùm hùko negen oba werek o,” ìlùk yogosikomo,

YOHANET 16:4

Atì'nogo hagathinapa halok he, hina'la nen, Wene yì, at en alebat yogonisasike a'nogo, arat haga'ninabì'lùgì yì, ìlùk hina'la ebesuageip en ìlùk, wene atì obogat yogohisìgì o,” ìlùk yogoisasike. At Yesùt en wene atì'nogo yogoisasikesik he, hobuk aike mel yogoisasike: “An hit ninom yoma welago atì nen he, wene yì obogat hit hinayoko hìkì logolìk yogohisìgì'lek welagagi meneat he,

LUKAT 24:44

Nìlìk he, it amanogo mel yogoisasike: “An hit ninom logolìk yogohisìkì logolìk he, An haga'nabugun mene helal Musa nen wanhìk, ap Ala ane yogoisìkì lagaukwa mene amanogo nen wanhìk, it aike nen buku Masimùt oba wanhìk, waganogo hesukwa atì higit hogo, an arat haga'nabugun, ìlùk yogohisìkì lagì a'nogo ebe arat haga'laga yì o,” ìlùk,

LUKAT 18:31

At Yesùt en wene atì'nogo yogoisalùk he, agoromì inebe 12 nen amanogo wogisek he, inalepma kek hogo lìlìk mel yogoisasike: “Nagoromì. Nit yogotak o Yerusalem pìkì lago. Arat pìlì'mo nen he, it ap alep Ala ane yogoisìkì lagaukwa mene amanogo nen, an abat ta'lasi wagagi a'nogo hobuk haga'nabugun mene helal waganogo hesukwa mene higit hogoat haga'nabugun o.

LUKAT 2:51

Atì'nogo ìlùk he, at Yesùt agosa opase inom o Nasaret lagai wagaukwa. Lagai wagaukwasik logolìk, at agosa opase inane hanorogo hologo hagatì lagaike. Nen, agosa re, wene amanogo obogat etaùkenma wanhìkesik eberek motok welagaike.

LUKAT 1:66

Atì'nogo ìkì lagaukwama inasuk holhukwasik he, “Ala nen omamerogo agaugethikomo hìgì,” hìlìk, ina'la ebetì logolìk he, “Yekerek werek yì alùge arìk he, nìkì'nogo haga'lasigin,” ìlùk ìkì lagaukwa.

MAREKÙT 8:31

At Yesùt en atì'nogo inasuk wasikesik he, wene hobuk aike mel yogoisasike: “An abat ta'lasi wagagi a'nogo re, it ap inalùgetek mel, Ala esewerek mene inogogì kaintek mel, Ala ane helal waganek esewerek mene mel, inom en an nebe inabìt arik yì aik tì aik apigat haga'nabìk, nebe noasugùn o. Noasumo nebe neki pìre warek logopik he, aike nen, neluk asigin o,” ìlùk

MATÌÙT 26:2

“Nineki pìre logopik en pesta Paskah hagasugun atì hit hineluat o. Atì'nogo hagato kolek, an abat ta'lasi wagagi a'nogo, ap en yoko lìlìk, it aike nen e ba menhanìlìk noasuagalùk ineki ba hanugun o,” ìlùk yogoisasike.

MATÌÙT 16:21

Hùlì atì hùlì nen he, at Yesùt en agoromì ane wanhì lagaukwa mene amanogo at hobuk hagasigin mene pak hogo mel yogoisasike: “An o Yerusalem a'loma lasak welagì o. Lamo re, it ap inalùgetek amanogo mel, Ala esewerek mene inogogì kaintek mel, Ala ane helal waganek esewerek mene mel, inom en, yì aik tì aik apigat haga'nabìk nebe noasugun o. Noasumo, nebe warek neki pìre were'ma re, aike nen he, Ala nen nelugu'nabigin o,” ìlùk pak hogo yogoisasike.

YOHANET 16:31

Atì'nogo yogosukwama, at Yesùt en he, “Yogotak en arat hùthanhep a?” ìlùk yogoisasike.