LUKAT 9:31 - Ala Ane Wene Ket Mene Warogo Wo'ninapike Wene

³¹ inebe hogorinabusak hakeat weinam agaukwasik were'ma, ineileken isasukwa. Nen, weneane isukwa atì re, at Yesùt welagì'legat Ala nen isike higit hogoat o Yerusalem wa'lasigin wene ìkì lagaukwa.

LUKAT 9:31 ပူးပေါင်းရင်းမြစ်များ

PILIPI 3:21

At ebe wìrìk he, ninebe ninekalì negen welago yì re, at omame ba yì mene tì mene obogat, at awe a'ma hisegein atì nen, at ebe hogoratarek hagat, nit ninebe hogo'ninabusak meneat hagarogo hinegein o.

2 PETERÙT 1:15

Hobuk nebe wa'lagì halok, wene atì hit hina'la eberek motok logouageip en ìlùk, hanorogo yogohisìkì logogin o.

1 PETERÙT 5:10

Were'ma, at Ala ebe hogorato motok logogun atì hak, hit Karìsùt hinom hutik were'ma hinomat hogothinapo logouagalùk hinayoko hesikomo, yogotak ya hamùlùgat enek hinoba yì aik tì aik hìkì logopik, hobuk, at oabùt hano motok a'nogo nen, katok hogo hagathinapìk, hinetaùken wurigethìgìk, hinomamethinapìk, hapuguthinapìk, igin o.

ABÌKAKAN 7:14

Hinok atì'nogo wo'niikenem, an nen he, “Noe, an nokot. Hat enek he, helu welagen o,” ìlùk yogotenem, at en he, mel yogonete: “It apùnì yoma re, o kweangma were'ma apùnì aike nen yì aik tì aik apik hagarinapenem, Ala nen telinapikomo, inasu Topa Eak amep oba arat kut motok sobalega mene o.

KOLOSE 3:4

Ebeto were'ma, at Karìsùt ninebe hobuk nineluk motok logouagalùk haga'ninaperek mene a'nogo weinam hogo waganem he, hit at hinomat weinam arì'mo hogothinabugun atì.

2 KORÌTÙT 3:18

Ineileken inapùnak oba it apùnì aike inebe pìkìrat lagisagarek atì hak, nit obogat ninelokoken apumeke laberek le'ma re, apùnì nen ninoe Etagepogot hogoratarek mene atì apùnak negen ineileken la'nisìlì'lùgì. Nit ninebe at ninoe hake asuagalùk he, hobugalep haga'ninapo motok were'ma re, hogo'ninabusak negen aga lago. At Ala Areagùn atì ebe Etagepogot atma at enat haga'ninabì'logo.

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

LUKAT 9:22

Inasuk atì'nogo wasikesik he: “An abat ta'lasi wagagi a'nogo, it ap inalùgetek mel, it ap Ala esewerek mene inogogi kaintek mel, Ala ane helal waganek esewerek mene mel, inom en, an nebe inabìt arìk, yì aik tì aik apigat haga'nabìk, nebe noasugun o. Noasumo re, nebe neki pìre warek logopik, aike nen he, Ala nen nelugu'nabigin o,” ìlùk, yogoisasike.

LUKAT 9:30

Atì'nogo haga'laga kolek, ap inebe pìre, Musa mel, Elia mel, Yesùt inom weneane ikenem,

IBERANI 11:22

At Yùsùp hogo re, etaùken Ala oba hìpìrethìlìk welagaike atì ba, ebe horogat wa'lasigìlùk ìkì logolìk, againapùrì Isirael mene o Mesit en wùlùbugun mene hesik yogoisìgìk, nen, “An noak kilelek tì'nogo haga'no,” ìlùk yogoisìgìk, isike.