LUKAT 9:26 - Ala Ane Wene Ket Mene Warogo Wo'ninapike Wene

²⁶ Sa nen, An Yesùt agot, ìgìk, an nane atì yogoisìgìk, apùnì ineilhanem pak hogo u re, ekalì halok he, an abat ta'lasi wagagi mene yì nen hogo re hobuk an nebe hogo'napìk, nopase hogoratìk, malaikat Ala aligat hesik yoko pelaksa wagarek mene amanogo hogorinapìk, iko kolek waga logolìk he, At yì an nagot, ìlùk nane pak hogo u nekalìat asigin o.

LUKAT 9:26 ပူးပေါင်းရင်းမြစ်များ

2 TIMOTÌÙT 2:12

Nit ninepe morogo logogun halok, apùnì at awe a'ma kìlìk logogun mene atì, nit ninom enat hagisek logogun o. Nit en he, “Yesùt ninoe lek o,” ìlùk, at ebe motok heraksogo halok, at en he, “It an nagoromì legat o,” ìlùk, herakhinegeinat o.

ÙRÙM 1:16

Hano wene atì Ala omameat ma re, emakum apùnì Yahuri mene, nen hobuk he, apùnì Yunani mane, inetaùken Yesùt Karìsùt oba hìpìrethagarek mene hùgì obogat telinaperek atì nen he, an nayù'legat hano wene atì yogoisìlìk nìgìrek atì.

MAREKÙT 8:38

Apùnì yoma inoabùt weak logolìk Ala ebe inom lopok hogo welagì'lek, yì weak tì weak hagarì'lùgì mene atì hinomat logolìk, it ineilhanem sa nen, An Yesùt agot, ìgìk, an nane atì yogoisìgìk, u re, ape ekalì halok he, an abat ta'lasi wagagi a'nogo hobuk nopase hogorato motok welagaikarek hak haga'la'lùk, it malaikat Ala okawerek hesik yoko pelaksa wagarek mene amanogo ninom wìrìk he,

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

YOHANET 12:43

It atì Ala nen hogorinabuagalùk hagatì lagaukwa lek. We, apùnì nen hogorinapì logou walok en hagatì lagaukwa atì.

ABÌKAKAN 20:11

Atì'nogo hìgìrìk oba nen, opolik he, Ala kain welagarek obùlùk hùko kut mene were'ma, at ebe atoma welaga hìgì. Atì'nogo were'ma pogot, kweang, obogat, at agaserogo lek arì'mo nogo nen he, hobuk ineileken hasak legat aga laga hìgì.

YURAT 1:14

Alebat Aram en ta'larìk waga lagaukwasik, hùlì 7 ba mene hùlì, at Henok ta'lagaike mene nen, it apùnì atì ùkùm inoba hegein mene hesik mel isike: “Lakhani. Ninoe Etagepogot a'nogo nen agoromì at okawerek en yoko pelaksa wagarek mene inebe motok logolegat wogisek pi wesigin o.

2 TIMOTÌÙT 1:12

Atì'nogo lakhani wagaikomo nìkì lagì atì nen, apùnì nen yì aik tì aik haga'napo kolegat he, netaùken ebe nelu mene oba hìpìrìk welagì, ìlùk nekalì agì'lek, na'la pùk hogo welagì. At en he, “An mene yì ha'narek logoino. Ha'narek were'ma, hùlì an nebeat wesigin o,” ìlùk, noba hìlìk nayoko hesike mene atì, okawerek omame ba elok ha'narek logogin o, ìlùk na'la hùthìkì lagì.

ABÌKAKAN 3:5

“Sa nen omame asigin halok he, an kut mane labethegein o. Nen, an it apùnì inelugurinapìrek mane hùgì inetage sùesika ba helal waganek mene terogo laksegein lek. An nopase mel, malaikat yoko laksa wagarek mene mel, ineilhanem, It yì an nagainapùrì o, ìlùk inetage pak hogo yakùlisegein,

ABÌKAKAN 1:7

Lakhani! At ebe ohena a'la waganem, apùnì obogat inebe lopok en mel, it at sìge taluk wasukwa mene mel, inomat en ineileken lakhìkì logolìk, inùkùl etage lopok obogat le asugun o, ìlùk yogohisìgì atì, “Ebe asuak,” u hak, “Amin,” ìgì atì.

KALATIA 6:14

Mene re, an yì hesik tì hesik hogorakasak motok nabìt o. We, ninoe Etagepogot Yesùt Karìsùt e ba menhìlìk wasukwa mene a'nogo hesik enek hogorakamo, elok. At ebe wasukwa atì nen, apùnì kweangma inoabùt inesogat logolìk hagatarek mene atì arat mabenetsasike akìgì. Halok he, apùnì wa'larìk, yì mene tì mene hagasusak oba lì'ma agarek hak, apùnìl inoabùt inesogat logolìk hagatarek mene a'nogo li'matsasìgì atì.

MATÌÙT 26:64

at Yesùt en he, “Hat en egen atìat o. Mene, wene yì an nen hit obogat yogohisak. Hùlì yogotak en he, an abat ta'lasi wagagi a'nogo, at Ala omame apik yì mene tì mene hagasusak enak a'nogo neperak era'lu eki ebekwe kainat logopik he, hobuk pogot oba atoma nen ohena a'la pi waganem hineileken neogoin o, ìlùk yogohisìgì,” ìlùk yogosikomo,

IBERANI 13:13

Atì'nogo wa'lagaike atì nen, nit kweangma yoma motok logousak lek. We, nit hobuk o motok logogun mene heratì lago atì nen he, at Yesùt apùnì nen inane lì'nù tìng-taung hogo yogotì lagaukwa atì hak, nit atì'nogo yogonisiko kolek, at oba leget abel etakwe wùlìpi logouok o.

IBERANI 11:26

“Hobuk Ala nen oko wo'nesigin mene werek o,” ìlùk akasikesik he, “Yì mene tì mene hano mene apùnì o Mesit inekimo mene yì esin lek o,” ìlùk, heraksalùk he, “Karìsùt hesik nineba horothinìkì logousak atìat esin a,” ìlùk akasike.

2 KORÌTÙT 12:10

Atì nen he, an Karìsùt hesik, nebe maben agì halok, apùnì nen nabok weak palho halok, wiik-weak hogo haga'napo halok, yì aik tì aik haga'napo halok, weim yapì logolìk inoasuogolùk hoborisagarek hak haga'napo halok, an mabenat were'ma, atì ba nen nomame agarek atì nen he, na'la hai hakìgìrek o.

YOHANET 5:44

Ala aligat esok motok welagarek atì nen hogothinabuagalùk hagatì'lek logolìk he, hit-hirat hat aike nen hogoratìk, hat aike nen hogoratìk, hogorakìkì lagep atì nen, hinetaùken an noba nìkì'nogo hipirethousak akegep. Mea o.

LAKSASIKE 10:22

Atì'nogo yogoisasikomo, it en he, “Ap tentara mene esa logolharek mene inoe kain etage Korenelìùt, atì nen lakhina wagama wago. At atì oabùt higit hogo hagatìk, Ala ebe ayùk hogo welagìk, ikenem, it apùnì Yahuri mene obogat en oabùt palharesik he, atì'nogoat abok hano egarek. At ati atì'nogo hagatenem, malaikat Ala nen yoko pelaksa wagarek mene amanogo aike nen he, Peterùt atì nen wene hat hasuk holusak mene yogohesigin werek o, ìlùk hat hayoko lakhina wesuagalùk yogotomo, at en lakhina wagama hoba wago o,” ìlùk yogosukwa.

1 TIMOTÌÙT 5:21

Wene yogohetì mene atì, hat en he, apùnì aike helokoma hisìgìk, aike hapotma hisìgìk, ìgì'lek higit hogo yogoisìkì logoino, ìlùk Ala mel, Karìsùt Yesùt mel, ineilhanemat, malaikat Ala nen wenaginapikesik yoko pelaksa wagarek mene mel, ineilhanemat yogohetì atì.