LUKAT 9:24 - Ala Ane Wene Ket Mene Warogo Wo'ninapike Wene

²⁴ Nen, sa nen, An nebe neluk logousak walok, ìlùk, ebe elele helegein halok he, wa'larik nong akegein o. Meneat he, an hesik wa'lasigin halok he, ebe telegein o.

LUKAT 9:24 ပူးပေါင်းရင်းမြစ်များ

LUKAT 17:33

Sa nen okawerek ebe elele helegein halok, hobuk ebe nong asigin o. Meneat he, sa nen ebe elele helìgì'lek nong asigin halok he, ebe telegein o.

YOHANET 12:25

Atì'nogo yogoisasikesik, wene aike mel yogoisasike: “At sa nen, a'la nen he, An kweangma yoma nebe neluk logousak walok, ìlùk akikerek halok he, hobuk ebe eluk motok logousak mene hesik nong asigin o. Meneat he, at sa nen a'la nen he, Kweangma yoma neluk logousak he, nabìt, ìlùk akikerek halok he, at atì hobuk ebe nong agì'lek eluk motok logogin o.

ABÌKAKAN 2:10

At Ibilit en hit hina'la kagaluagalùk, apùnì hit mene hetakwe ineki hele warogo hisamo, ineki 10 nen yì aik tì aik hìkì logogun atì re, hinayùk agùp o. Yì aik tì aik atì'nogo hagathinapo kolek, hinetaùken noba hìpìrethìlìk, an ninom hutik were'ma wa'lasugun halok he, sa awewerek sa awewerek laganem, it inomame agaikarek mene oko kare-kare ìksagarek atì hak, oko nabùlal-habùlal hagathinabigin o.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.

IBERANI 11:35

it hìmì aike ineagwì warek mene hobuk inelugurinapenem woginapìk, hagarìk waga lagaukwa. Atì'nogo hagarìk wago kolek, it aike re, inebe hobuk hano logogun mene Ala nen inelugurinabuak en, apùnì aike nen inebe wiik-weak hogo hagarinapo kolek, inogat elele helìgì'lek welagaukwa.

MATÌÙT 10:39

Sa nen okawerek ebe elele helegein halok he, ebe wa'larìk nong asigin o. Meneat he, sa nen an hesik wa'lasigin halok he, ebe elele helegein o,” ìlùk yogoisasike.