LUKAT 9:20 - Ala Ane Wene Ket Mene Warogo Wo'ninapike Wene

²⁰ Atì'nogo yogosukwama, at Yesùt en mel yogoisasike: “It en atì'nogo ìlì'lùgì meneat he, hit enek he, an nebe hesik sa ìkì lagep nogo,” ìlùk yogoisasikomo at Peterùt en he, mel yogosike: “Hat hebe re, Karìsùt, nit telninabuagalùk Ala nen lakhei wesigin ìlùk abok yogonisasike a'nogoat o,” ìlùk yogosikomo,

LUKAT 9:20 ပူးပေါင်းရင်းမြစ်များ

YOHANET 7:41

it aike nen he, “Lek o. Apùnì telninabuagaluk Ala nen lakhei wesigin isike a'nogoat o,” ìlùk isukwa meneat he, it aike nen he, mel isukwa: “Apùnì telninabuagalùk Ala nen lakhei wesigin isike a'nogo, o Kalilea nen elok wesusak nogo? Mea o.

YOHANET 4:29

“Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike.

LAKSASIKE 17:3

Ala ane helal waganek a'nogo ba sekek hogo yogoisìkì logolìk, mel yogoisìkì lagaike: “At Karìsùt Ala nen lakhei wesigin ìlùk isukwa a'nogo re, yì aik tì aik hìlìk hìlìk wa'larìk en, eluk asigin, ìlùk isukwa. It isukwa atì hagat, at Yesùt hagasike wene abok yogohisìkì lagì mene yì, hagasusak higit hogoat hagasikomo. Ala nen lakhei wesigin ìlùk isukwa atì, ebe re, Yesùt atìat o,” ìlùk yogoisasike.

LAKSASIKE 9:22

Hogorato kolek he, at Saùlùt en, ane omamerogoat ina'la kagalhì logolìk, mel yogoisìkì lagaike: “Ala nen he, Ap aike telhinabuagalùk lakhei wesigin, ìlùk wene wa'nisasike a'nogo ebe re, Yesùt atìat o,” ìlùk pak hogoat yogoisikenem, eberogoat agaikomo re, it apùnì Yahuri mene o Tamìsìk welagaukwa mene atoma nen oko nena u heat inoake palaga lagaike.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 11:27

at Mareta nen he, mel yogosike: “Noe. Hat hebe Ala aput Karìsùt, Ala nen wenagasogo menhìlìk lakhei wesigin isukwa a'nogo, harat ìlùk, hùthagagì o,” ìlùk yogosike.

YOHANET 4:42

he a'nogo mel yogosukwa: “Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk, Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.

YOHANET 1:49

at Nataniel en he, mel yogosike: “Noe. Ala aput nit Isirael mene ninoe kain Hetagepogot harat hììgì o,” ìlùk yogosike.

YOHANET 1:41

Yesùt opolik lìlìk inom welagaukwasik he, at Atereat atì tak oe Simon a'nogo herarìk lagaikesik, eperak apì agaukwasik he, mel yogosike. Nit ninane ba Karìsùt apùnì telninapùkwe Ala nen ayoko hìlìk lakhei wesigin isike a'nogo u hak he, it inane ba, Mesiat ìlùk, “Mesiat a'nogo nit arat ninom apì ago,” ìlùk, yogosike.

MAREKÙT 8:29

Atì'nogo yogosukwama at en he: “It en atì'nogo ìlì'lùgì meneat he, hit enek he, an nebe hesik, sa ìkì lagep nogo,” ìlùk yogoisasikomo, at Peterùt a'nogo nen he: “Hat hebe re, Karìsùt nit telninabuagalùk Ala nen lakhei wesigin ìlùk abok yogonisasike a'nogoat o,” ìlùk isikomo re,

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

LAKSASIKE 8:36

Yogorìk motok ebekwe pìkì logolìk he, i were'ma pisukwasik, at ap kain a'nogo nen he, “I werek yì han. An ima pela'nabusak akìkì lagì. Ì a? At he, kì mene oan welagì akegen,” [

LUKAT 22:67

it en mel yogosukwa: “Ala nen Karìsùt ayoko hìlìk lakhei wesigin isike a'nogo harat a? Hat halok he, yogonisan o,” ìlùk yogosukwama, at Yesùt en he, mel yogoisasike: “An nen yogohisikenem he, eberogoat ìlùk hina'la hùthogoin nogo?

MAREKÙT 14:61

ane ìgì'legat kamo isike. Kamo isikomo hobuk it ap Ala esewerek mene inoe kain a'nogo nen he, wene aike mel yogosike: “Ala hogoratì lago mene nen aput Karìsùt lakhei wesigin isukwa a'nogo ebe re, harat a?” ìlùk hinok wokhasikeat.

MATÌÙT 22:42

mel yogoisasike: “Hit hina'la nen he, Karìsùt Ala nen ayoko hìlìk lakhei wesigin isike a'nogo, ebe sa akìkì lagep. Nen, opa sa nen tagokwe mene akìkì lagep,” ìlùk yogoisasikomo, it en he, “At atì Taùt en tagokwe mene o,” ìlùk yogosukwa.

MATÌÙT 5:47

Nen, hinerùgì hinagaiya'lak halok enek hai warinapì lagep halok he, hit enek hinoabùt atì'nogo hagatì lagep hùk. It apùnì etakwe mene inoabùt atì'nogoat hagatarek lek nogo? Atì'nogoat hagatarek o.

MATÌÙT 26:63

at Yesùt ane ìgì'lek kamo isikomo re, at ap kain Ala esewerek mene a'nogo nen he, “Ala aput Karìsùt lakhei wesigin isukwa a'nogo, ebe hat halok he, yogonisanok ìlùk, at Ala eluk motok welagarek mene etage hopuk palogo yogohetì o,” ìlùk yogosikomo,

LUKAT 9:19

“It aike nen he, Yohanet ima pelaginapì lagaike mene a'nogo ìgìk, it aike nen he, Elia ìgìk, it aike nen he, It ap holoat Ala ane yogoisìkì lagaukwa mene amanogo mene aike eluk agasik werek o, ìgìk, ìlì'lùgì o,” ìlùk yogosukwa.