LUKAT 9:2 - Ala Ane Wene Ket Mene Warogo Wo'ninapike Wene

² Atì'nogo hagarinapikesik he, it en Ala awe a'ma hinegein wene a'nogo yogoisìgìk, ou inoba werek mene hagarinapìk, ìlìk loagalùk laksasike.

LUKAT 9:2 ပူးပေါင်းရင်းမြစ်များ

LUKAT 10:9

O kota atoma logolìk, it aike inoba ou werek halok, hit en hagarinapì logolìk he, Ala nen awe a'ma hinegein a'nogo yogotak arat hikegein o, ìlùk yogoisìkì logoino.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

LUKAT 9:11

Atoma inalepma kek hogo lagaukwa meneat he, apùnì nen he, “At Yesùt a'nogo o atoma laga o,” ìlùk ikenem, apùnì apik inasuk holhukwasik he, inebe logolegat opolik lagaukwa. Lagaukwama re, at Yesùt en hai warogo woginapikesik he, Ala awe a'ma hisikerek wene a'nogo yogoisìgìk, inoba ou werek mene hagarinapìk, isike.

MAREKÙT 6:12

It amanogo atì'nogo laksasikomo laga logolìk he, apùnì mel yogoisìlìk lagaukwa: “Hit weak hagatì lagep mene atì heraksìlìk hinoabùt hebela'ni o,” ìlùk yogoisìlìk nìkì logolìk,

MATÌÙT 24:14

Nen, Ala nen awe a'ma hisegein mene hano wene yì, yì apùnì tì apùnì motok inelu asuagalùk o yì awì tì awì yogoisìlìk lagep halok he, o wùrep oba arat haga'lasigin o,” ìlùk yogoisasike.

MATÌÙT 13:19

Awì heik aike ebekalem lakhesike atì ebe re, it apùnì aike Ala awe a'ma hisikerek wene atì inasuk holharesigat he, ebe tùkùm hogo hùthìgì'lek halok, at oabùt weak mene a'nogo wagaresik he, wene inetaùkenma awì yago mene atì henogo helalùk lagarek atìat o.

LUKAT 16:16

“At Yohanet ima pelaginapì lagaike mene a'nogo oan wagì'lek werek kolek, wene Ala nen ninasuk wasike wene a'nogo mel, it Ala ane yogoisìkì lagaukwa wene a'nogo mel, wene atìat esin welagaike. Mene re, at Yohanet wagaike atì hùlì nen he, hano wene Ala nen awe a'ma hisikerek wene a'nogo yogoisìlìk nikenem, apùnì obogat en wene wanuogolùk inomamerogo makhìlìk-hìlìk ki wìrì'lùgì.

LUKAT 10:11

Nit hit hinaua logolìk kweang alolongeke ninesok oba labulaga mene yì, hit weak ìlùk hineilhanem horogo potsogo yì. Hina'la nen, Ala awe a'ma hinegein a'nogo yogotak arat hinegein, ìlùk, hanorogo hùthìkì logoino, ìlùk yogoisano.

MAREKÙT 16:15

Atì'nogo wenagisasikesik, wene aike mel yogoisasike: “Hit he, apùnì inùkùl etage lopok o yì awì tì awì a'loma obogat wene hano wene yì yogoisìlìk laga logoino o.

LUKAT 10:1

Atì'nogo yogoisasikesik he, ninoe Etagepogot en ap inebe 70 nen weteberogo hisìlìk he, at okawerek ya ta o sili lopok lagalùk a'la akasike obakwe lopok, it atì tak alebagìk inebe pìretek lopogothìgìk laksasike.

MATÌÙT 10:5

At Yesùt en it ap inebe 12 nen atì sùpùrogo laksagalùk he, inasuk yì'nogo wasike: “It apùnì etakwe mene inauakwe lagùp o. Nen, it apùnì o Samarìa mene inauakwe lìlìk kùgùbat o.