LUKAT 9:18 - Ala Ane Wene Ket Mene Warogo Wo'ninapike Wene

¹⁸ Ineki aike sapùl he, Yesùt aligat sapan ikenem, at agoromì ane wanhì lagaukwa mene amanogo oba wagaukwa. Wagaukwama, at en inoba hinok wanhì logolìk he, mel yogoisasike: “Apùnì apigat en an nebe hesik nabok ìkì logolìk he, sa ìlì'lùgì nogo,” ìlùk yogoisasikomo, it en he, mel yogosukwa:

LUKAT 9:18 ပူးပေါင်းရင်းမြစ်များ

LUKAT 11:1

Ineki aike sapùl he, at Yesùt o ninmo logolìk, sapan ìkì lagaike. Sapan arat isikomo nen he, at agoromì ane wanhì lagaukwa amanogo mene aike nen he, mel yogosike: “Noe. At Yohanet en, at agoromì ane wanhì lagaika mene sapan hagatì logouagalùk yakùlisìkì laga atì hak he, nit hogo atì'nogoat sapan ìkì logouagalùk aike yakùlnisan o,” ìlùk yogosikomo,

MATÌÙT 26:36

Atì'nogo isukwasik he, at Yesùt ebe mel, agoromì ane wanhì lagaukwa mene amanogo mel, inom Ketsemani yabumo lagaukwasik agoromì mel yogoisasike: “An horok ya lìlìk sapan iko kolek, hit yoma hùrek logoni o,” ìlùk yogoisasike.

MATÌÙT 14:23

Atì'nogo yogoisasikomo, wùlìbi waga kolek, at Yesùt en apùnì logolek amanogo arat laksalùk he, at aligat enek punu ba sapan igìlùk lagalìk iko were'ma o hi isikomo re, aligat atoma welagaike.

LUKAT 3:21

At Yohanet en apùnì obogat ima pelaginapì logolìk he, at Yesùt ima pelakhesikeat. Ima pelakhesikomo, at Yesùt ebe nen sapan iko kolek he, pogot healogo,

LUKAT 6:12

Ati sat he, at Yesùt sapan igìlùk tom oba lagasike. Lagalìk yìbako-hùako Ala ayoko hiko motok were'ma, o arat we isike.

LUKAT 9:19

“It aike nen he, Yohanet ima pelaginapì lagaike mene a'nogo ìgìk, it aike nen he, Elia ìgìk, it aike nen he, It ap holoat Ala ane yogoisìkì lagaukwa mene amanogo mene aike eluk agasik werek o, ìgìk, ìlì'lùgì o,” ìlùk yogosukwa.

LUKAT 9:28

At Yesùt en wene atì'nogo arat yogoisasikesik he, nogo ineki 8 hake ìlùk en, Peterùt mel, Yohanet mel, Yakobùt mel, wogisek sapan igìlùk tom aike ba lagasike.

LUKAT 9:29

Lagalìk he, sapan ikenem he, at Yesùt elokoken hùnogoat haga'laga logolìk asu elokoken motok kut arìk, eilhabùt hake yararathesike.