LUKAT 9:16 - Ala Ane Wene Ket Mene Warogo Wo'ninapike Wene

¹⁶ Arat hù'larik lagaukwama re, at Yesùt en sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo re, sùpùrùk mel, ikan mel, aremnogo kùrogo, at agoromì amanogo nen apùnì apik amanogo sùpùrisoagalùk he, wogisasike.

LUKAT 9:16 ပူးပေါင်းရင်းမြစ်များ

MATÌÙT 14:19

Yogoisasikomo re, wogosi wagaukwama, at Yesùt en apùnì apik amanogo mel yogoisasike: “Pipuk obakwe aroma hù'larìk lani o,” ìlùk yogoisasikomo hù'larìk lagaukwama re, sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo kùrogo re, agoromì ane wanhì lagaukwa mene amanogo nen sùpùrisoagalùk he, wogisasikomo sùpùrisasukwa.

LUKAT 24:30

Kisukwasik inom sùpùrùk nùogolùk he, hù'lagaikesik sùpùrùk horoti mene ekim wanhikesik he, Ala hai warogo kùrogo it aremnogo sùpùrisasike.

MATÌÙT 15:36

Yogoisasikesik he, sùpùrùk horoti mene 7 nen aremnogo mel, ikan aremnogo mel, ekim wanhikesik, Ala hai warogo re, eki nen sùpùrùk horoti mene aremnogo kùrogo apùnì logolek amanogo sùpùrisoagalùk, at agoromì ane wanhì lagaukwa mene amanogo wogisasikomo, sùpùrisasukwa.

ÙRÙM 14:6

It aike nen he: “O yogotak yì like nek he, yì mene tì mene hagasusak lek,” ìlùk egarek mene atì, ninoe Etagepogot hesigat akagarek o. Nen, it aike yì mene tì mene yùgùnat nekarek mene atì re, ninoe Etagepogot hesigat nìkì logolìk he, Ala hai watarek atì. Nen, it nekarek lek mene atì, ninoe Etagepogot hesigat nìkì'lek kamo ìkì logolìk he, Ala hai wataregat atì.

LAKSASIKE 27:35

Atì'nogo yogoisasikesik, sùpùrùk horoti mene aike ekim wanhikesik he, it obogat ineilhanem Ala hai warogo, at tak kùrogo nasike.

YOHANET 6:23

hobuk so hunigat mene aike apùnì o etage Tiberiat mene nen warìk, ninoe Etagepogot Yesùt en sapan Ala hai warogo nen sùpùrùk horoti mene sùpùrisasikomo nasukwa ba a'nogo wùlùpukwasik were'ma, ineileken hasukwa.

YOHANET 6:11

Atì'nogo hù'larik lagaukwama re, at Yesùt en sùpùrùk horoti mene aremnogo ekimo wanhìkesik he, “Ala nopase,” ìlùk hai warogo re, apùnì apik hù'lagaukwa mene amanogo sùpùrisìlìk he, ikan aremnogo atì'nogoat sùpùrisasike. Sùpùrisasikomo, it ina'la nen, nelo akasukwa hagat inalabut ning hogo nasukwa.

LUKAT 22:19

Atì'nogo yogoisasikesik, hobuk sùpùrùk horoti mene ekimo wanhikesik he, Ala hai warogo nen ebe kùrogo re, agoromì sùpùrisìkì logolìk he, mel yogoisasike: “Yì an nebeat o. [An nebe hit hesik noatenem wa'lasigin atì, an noba eberek logouageip en he, yì'nogoat nìkì logoino,” ìlùk yogoisasikomo,

1 KORÌTÙT 11:24

Ninoe Etagepogot Yesùt ap inoabùt weak mene nen wasuagalùk, ap aike nen hùako yoko lagaike atì sat, at Yesùt en he, sùpùrùk horoti mene ekim wanhikesik he, Ala hai warogo re, eki nen kùrogo hìlìk he mel yogoisasike: “Sùpùrùk yì an nebeat o. An hit hesigat noasugun atì, noba eberek logouageip en he, yì'nogoat hagatì logoino,” ìlùk agoromì wogisasike.

1 KORÌTÙT 10:30

An Ala hai warogo nikenem he, atì hesik nabok nahalok palusak nogo,” ìlùk ìkì lagep atì,

MAREKÙT 7:34

Atì'nogo hìlìk eileken pogot oba lìakhìlìk he, ane agaukwak a'marogo isikesik he, nit ninane ba: “Huak in,” u hak, it inane ba: “Epata,” ìlùk yogosike.

LUKAT 9:15

Atì'nogo yogoisasikomo, at en isike hagat, “Eki palìk lani,” ìlùk yogoisasukwama, inebe obogat hù'larik lagaukwa.

LUKAT 9:17

Arat sùpùrisasukwama, inebe obogat inalabut ning hogo nasukwama re, titelagaike mene mùl ugu 12 en kalogo hesukwa.