LUKAT 8:48 - Ala Ane Wene Ket Mene Warogo Wo'ninapike Wene

⁴⁸ Atì'nogo yogosikomo, at Yesùt en he, mel yogosike: “Na'logo e! Hetaùken noba hipìrethegen atì nen hano agen o. Halok he, ha'la hanorogo lan o,” ìlùk lakhesike.

LUKAT 8:48 ပူးပေါင်းရင်းမြစ်များ

LUKAT 7:50

at Yesùt en, he a'nogo yogotì logolìk he, mel yogosike: “Hat hetaùken noba hìpìrethegen atì nen telhapì o. Halok he, ha'la hanorogo haua lan o,” ìlùk lakhesike.

MATÌÙT 9:22

Eki hakasikomo re, at Yesùt en elokwe hebek hogo eileken apotma kelakhìlìk he, mel yogosike: “Na'logo e! Ha'la hai hakan o. Hetaùken noba hìpìrethegen atì nen hano agen o,” ìlùk, iko kolek aremnogoat he, he a'nogo arat hano agaike.

IBERANI 4:2

Wene hano wane atì it alep yogoisasike atì hagat, nit atì'nogo yogonisasikeat. Mene re, wene yogoisasike mene atì, it inasuk holhukwasigat he, hùthìgì'lek hagatì lagaukwa atì ba, wene atì it hesik he, mea agaike atì.

LAKSASIKE 14:9

Hùrek logolìk Paùlùt en wene yogoisikenem asuk hologo were'ma, at Paùlùt en eileken oba lùrogo hìkì logolìk, a'la nen he, “Ap arì a'la nen he, Eberogoat haga'nabigin, ìlùk akikesik werek hìgì,” ìlùk a'la akasike.

LUKAT 17:19

at ap wagaike a'nogo mel yogosike, “Eberogoat haga'nabigin, ìlùk hetaùken noba hipìrethegen atì ba arat hano hagathapì o. Halok, hebe mela'lùlk haua lan o,” ìlùk lakhesike.

MAREKÙT 5:34

Yogosikomo, at Yesùt en he, mel yogosike: “Na'logo e. Hetaùken noba hìpìrethegen atì nen hano agen o. Halok he, ha'la hanorogo lan o,” ìlùk lakhesike.

2 KORÌTÙT 6:18

An hit hinopaseat logogin o. Nen, hit an nagainapùrìat logogun o, ìlùk ninopase Etagepogot yì mene tì mene hagasusak enek a'nogo nen isikomo,” ìlùk helal waganogo hesukwa.

LUKAT 18:42

at Yesùt en he, mel yogosike: “Heileken mùm arì hano ame o. Hat hetaùken noba hipìrethegen atì baat hano agen o,”

MATÌÙT 8:13

Atì'nogo yogoisasikesik he, ap tentara mene inoe kain a'nogo mel yogosike: “Hebe lan o. Hat hetaùken noba hìpìrethìlìk, ha'la nen he, Tì'nogo hano haga'nesusak ìlùk akegen atì hagat haga'lasuak o,” ìlùk yogoto kolek aremnogoat he, atitigeke mene a'nogo oba hano asi lagaike.

MATÌÙT 12:20

O wùrep oba at en ùkùm apùnì inoba hìgìk, kotìk, higit hogoat ìkì logolìk, at omame asigin atì oan werek kolek, heiteka oak sigilik mene, at en hukaligin lek o. Nen, esage amulok lagagì'lek hule nek lagaike halok he, at en nogoligin legat o.

MATÌÙT 9:2

ap aike eki esok motok wùt warek welagaike mene e talek oba weitek werek kolek yerogo wolok oba wagaukwama, at Yesùt en he, “It atì inetaùken an noba hìpìrethagasik en wolok wagaika hìgì,” ìlùk, eileken enagat isìlìk he, ap eki esok wùt warek mene a'nogo mel yogosike: “Naput e. Ha'la hai hakan. Hat weak hagatì lagen mene re, an nen sagalogo legetsìgì o,” ìlùk, yogosike.

LUKAT 8:47

Yogosikomo, at he a'nogo a'la nen he, “Arat hù'niike hìgì o,” ìlùk, ayuk agaikesik, oak lei'-leik Yesùt oba wìrìk he, eitep awì yagasogo awe a'ma kisikesik mel yogosike: “An yì'nogo nen hasu neki hakìgì o. Atì'nogo hakiko kolek aremnogoat hano agìma yì,” ìlùk, apùnì amanogo ineilhanem motok pìlìngìrogo yogosike.